كتير مننا بتعمل ريجيم وتمشى على نظام تثبيت
وبعد فتره قليله ترجع تانى تزيد كل الى هى خسته ويمكن اكتر كمان
اولا احب اوضح يعنى ايه نظام تثبيت
عشان لاحظت ان ناس كتير فاهماه غلط
نظام التثبيت مش بيكون مجرد مرحله بنثبت حرق السعرات
وخلاص على كده
لا دى مرحله مستمره فحياتنا
لانه بيكون نظام للحياه
طبيعى ان اى واحده تخينه فهى تخينه عشان نظام اكلها غلط
طب ما الطبيعى برضه ان اول ما تخسى وترجعى تاكلى نفس نظام اكلك
القديم هتتخنى تانى
يبقا الاساس ان نظام التثبيت ده نظام حياه
يعنى لازم نغير اسلوبنا فالاكل
انا الحمد لله خسيت من وزنى اكتر من 35 كيلو
وماشيه على نظام تثبيت مريح جدا من غير جدول ولا ورقه وقلم
لانى مش بحب اتقيد وبحب ابقا براحتى
طب بعد الرغى ده ايه هو النظام ؟؟؟
اعملى لنفسك توازن فاكلك بالنشويات والحلويات
بمعنى
انتى عالفطار هتفطرى معقول
شاى او نسكافيه او شاى باللبن معاهم الى عاوزاه من دول
بيض او فول او جبنه بالطماطم او طعميه
او عصير برتقال بدل الشاى
اى حاجه او حاجتين من دول ومعاهم ربع رغيف عيش بلدى
الغدا اكلك عادى بس النشويات هتكون نص كميتك المعهوده
سواء رز او مكرونه او عيش حاولى تقللى فيهم
انا باخد طبق وسط من الرز او المكرونه والباقى خضار وفراخ
وشوربه طبعا لو فى
وسلطه
العشا بقا هتاكلى زى الفطار بس من غير عيش
لو مش هتاكلى رز او مكرونه او عيش فالغدا
تقدرى تاكلى عيش فالعشا
فحدود الرغيف مش اكتر
باقى اليوم مشروبات براحتك
ياريت بلاش حلويات غير لو قطعه صغيره اد نص كف الايد
عندك يوم فرى تاكلى فيه براحتك
خليه فاى وقت مش لازم تبقى ماشيه على ايام محدده
انا اوقات استمر عشر ايام من غير يوم فرى
واوقات اعمله كل اسبوع
مفيش عندنا ممنوعات ياجماعه عشان محدش يسالنى
ده مسموح بيه ولا لا
كله مسموح بيه
ولكن الكميه هى الى تحكمنا
يعنى لما احب اكل حلاوه باخد حته اد مكعب صغير
ومكررهاش تانى خلال يومين
ونفس اليوم مكنش واكله حاجه حلوه
باكل تورته او جاتوه ابقا عامله حسابى مكنش واكله عيش
او رز عالغدا
يعنى الموضوع كله انك تعملى توزان بين اكلك
مش هتبقى محرومه اطلاقا من اى حاجه
وكمان مش هتتخنى وده المهم
النظام ده بيثبت الوزن وبيخسس كمان على المدى الطويل
انا الحمد لله ماشيه عليه بقالى شهر واكتر
وحاسه بفرق فكل هدومى الحمد لله
وفاغلب الوقت مش بتعشى بشرب كوبايه شاى اخضر بس
اى نوع ريجيم عملتيه هينفع معاه النظام ده جدا
وربنا يوفقنا كلنا يارب
**احساس رقيق** **احساس رقيق** 124435_15.gif ملكة فتكات Fatakat 124435 قلب جوزى – بناتى