ازيكو يا بناويت
انا كنت شوفت هنا موضوعات مهمة جدا جدا عن تخزين الخضار واللحوم والبقول خصوصا للستات اللي بتشتغل
انا هبدأ باللي اعرفه ولو افتكرت حاجة تاني هكتبهالكم
الثوم :: طبعا التوم لا غنى عنه بدل ما نقشر وندق في الهون كل مرة
استفدت من موضوع فتوكة هنا ربنا يباركلها
بنجيب التوم كمية منه وقت الرخص و بنقشره كله بنحطه في الكبة مع رشة ملح علشان تسهل الفرم
نفرم التوم ونخزنه في برطمانات مدهونة زيت خفيف (أهم شيء تفريغ الهوا) و ع الوش بنحط معلقة زيت صغيرة علشان مايعفنش
وبنخزن في الفريزر يا موزز وبناخد قد حاجتنا بالمعلقة
البصل :: نفس الفكرة بنفرم البص بس بنفرده في اكياس من بتاعت الساندويتشات بحيث انك تقدري تاخدي منه بسهولة بالمعلقة وقت الاستخدام
عصير الطماطم :: يتجيبي كمية من الطماطم وقت رخصها بتقطعيها كويس وتشيلي الاجزاء البايظة منها وتعصريها في الخلاط طبعا مع مية
لو تحبي تعصريها مع قرن فلفل
وتعبيها في كياس حسب استخدامك في الطبخ
ولما تيجي تطبخي هتطلعي الكيس وتحطيه ع البصل المتشوح او على الأكل وتوطي النار شوية هيفك معاكي ويسيح
العصاير :: بتجيبي الفاكهة وقت رخصها وبتعصريها وبتحطيها في مكعبات التلج ولما تجمد تحطيها ف كيس
وكل كيس جواه مكعبات عصير من نوع معين
ممكن تستخدمي المكعبات دي مع عصير تاني هيديكي طعم جميل ومختلف
الفراخ :: قريت هنا لبعض الفتوكات انها بتجيب الصدور او قطع الفراخ وتغسلها كويس جدا وتتبلها وتشيلها في الفريزر
بس مجربتش عند ماما لان ماما بتجيب الحاجة من الراجل
وكذلك السمك
__________________________________________________ ______
حجات فاشلة في التخزين ::::
الملوخية بتبوظ جدا جدا لو اتخزنت بورقها بتدبل
ولما ينخطرها وبنحطها ف كيس ونفرغ الهوا ونخزنها بتسود منناد
الفاكهة بتبوظ في التخزين وبتدبل هي كمان
الخضرة بتبوظ خالص
اللي تعرف حاجة تاني تقولنا وانا هفتكر واقولكم مواضيع هذا القسم برعاية
نورهان_عبدالهادي نورهان_عبدالهادي images/bigsmilies/mood24.gif سوبر فتكات Fatakat 1000462 القاهرة – مصر