بسم الله الرحمن الرحيم ازيكم يا احلى ستات وبنات واشطر طباخات النهاردة كنت بعمل قرنبيط مقلى وبعدين انتوا عارفين القرنبيط لما بيتقطع بيبقى عامل زى الشجرة كدة بس صغير فبيبقى صعب توزعى علية البقسماط زى الفراخ او البوفتيك فرحت عملت ايه بقى جبت كيس فاضى وحطيت القرنبيط فى البيض بعد ما سلقتة طبعا وعلى الكيس علطول ورحت حاطة علية رشة ملح وفلفل وعلهم البقسماط بس مش حطيت كتير وقفلته كدة بايدى بس مربطهوش يعنى زى ما تنفخى بلونة وتمسكيها بايدك كدة ورجيت كل دة مع بعضة الهوا اللى جوة الكيس مع حركة الرج بتاعة ايدى خلاللى البقسماط يتوزع فى كل حتة ومن غير ايدى ما تعجن ولا اى حاجة ولا اعد افرك عشان البقسماط ينزل والطريقة دى كمان خالتو كانت جربتها مع البساريا الصغيرة لو تعرفوها والسمك وكل حاجة ايدك ممكن تعجن مطرح البيض والبقسماط او الدقيق وعلى فكرة بتخلى الاكل يمسك اوى يعنى مش لازم تعمليها وتحطيها فى التلاجة او الفريزر بس بجد مش هتبقى كويسة مع البفتيك او الاستيك الكبيرة علشان هتتنى جوة الكيس وهتعجن وبعدين اللحمة اصلا لازم تبقى مفرودة فبيتهيالى هتبقى اسهل بكتير من القرنبيط الللى تجربها وتعجبها تدعيلى عن ظهر قلب جوزى يرجعلى بالسلامة ويرزقنى الذرية الصالحة المصلحة المعافاة من كل سوء مواضيع هذا القسم برعاية
احضان الحبايب احضان الحبايب 287192_1.gif فتكات هايلة Fatakat 287192 حبيبتى اسكندرية – مصرية
سبحان الله و بحمده