حبيباتي
النهارده موضوعنا بسيط اوي
اوقات اما بنعمل اكلة ممكن نلاقي حاجه من الخضرة مش موجوده او لونها اصفر ودبل ومش هينفع يتضاف للاكلة
او ممكن اكون محتاجه ليمونة للشوربة زي النهارده كده لقيت الليمون خلصان عندي بس ولا همني لاني عندي في االفريزر بفضل الله
علبة مكعبات التلج بعمل فيها كل حاجة زي الشبت والبقدونس والكزبرة والكرفس والكرات والتوم والليمون والبرتقال
بالنسبة للخضروات الورقيه بغسلها كويس جدا واقطعها زي الاستخدام العادي واحطها في علبة مكعبات التلج واضيف عليها مية وادخلها واول ما تتجمد احطها في كيس نظيف واكتب عليه محتوى الكيس وعالفريزر ولو لقيت الخضرة الطازة خلصت عندي اطلع مكعب من النوع اللي انا محتاجاه وبيكون طعمه زي الفريش ولا بيفرق ولونه بيكون اخضر وجميل
ده الشبت
وهنا بعد ما اتجمد وحطيته في كيس وكتبت عليه علشان اميز بين الاكياس في الفريزر بسهولة
وده الكرفس
وطبعا الكزبرة والكرات واي حاجه خضرا بعملها بنفس الطريقة وكذلك التوم بس للاسف نسيت اصوره بفرمه في الكبة واحطه في العلبة دي واما احتاج لاكلة اطلع مكعب بدل ما يبقى البرطمان يفك ويرجع يتجمد تاني
والليمون بعصره يدوي عادي كأني بعصره في شوربة مثلا لحد ما المكعبات تتملي
والبرتقال بينفع كنكهة لبعض الاكلات او للصيف بدل مكعبات التلج في الفريزر ده بيدي طعم جميل لاي عصير وبيقضي الغرض انه يسقع العصير اكتر
وهنا في الفريزر
يارب يكون موضوعي المتواضع عجبكوا بإذن الله
مواضيع هذا القسم برعاية
رواء باهر رواء باهر 423098_27.gif Fatakat 423098 بورسعيد – مصر