طبعا فى ناس كتير لما بتغسل رجليها او لما بتتوضأ وما تنشفش رجليها بيطلع فطريات بين صوابع رجليها يعنى حزاز بين الصوابع او بيقولوا بالبلدى صبعى مدبوح طبعا جربوا كريمات كتير وكستلينا للقدم ودى مسة زرقة للصوابع مخصصة وبيروح الحزار بس بيرجع تانى لما يقعدوا فترة من غير ما ينشفوا بين صوابعهم هاقولكم على علاج سحرى والله بجد بيقضى على الحزاز ده نهائى
بصوا حطوا سكر على الحزاز اللى بين الصوابع كل شوية بعد الوضوء وسيبوا السكر بين الصوابع من غير ما تغسلوا رجليكم هتلاحظوا ان رجليكم هتكلكم وتحسوا انكم عاوزين تهرشوا ولكن استحملوا بقى يا فتوكات ما فيش دخان من غير نار عموما استمروا على الوصفة دى يجى اسبوع هتلاحظوا ان الجلد الابيض بتاع الحزاز بيتأكل ويخف شوية فى شوية واللى يجرب وتنجح معاه الوصفة يدعيلى
shesho163 shesho163 61811_8.gif فتكات رائعة Fatakat 61811 جسر السويس – مصر