بصوا يااحلي فتوكات اانا عامله دايت وبما اني عاشقه المحشي الاولي فطبعا ماقدرتش استحمل بعدي عن حبيبي كتييييييييييير (المحشي طبعا)
كفايه رغي بقي وندخل عي الطريقه علي طول
انا جيبت كرنبايه حلوه مصحصحه كده وروحت سلقتها
وحضرت كمان البتنجان قورته وحضرت الخلطه وهي بتيجبي يافمر بصلتين تلاته يالا ان شالله ماحد حوش ونفرمها ناعم قوي مش مبشوره بس ناعمه ونجيب خضره كتييييييييييير واللي بيدي طعم حلو كمان تحطي بصلايه خضرا ونص كوبايه رز بس اه نص كوبايه ماتستغربوش اصل بقيت الخلطه هاتكون شيت وبصل هاعمل ايه بقي علشان خاطر الدايت
المهم نجيب صلصه ونحطها علي الخلطه ونفرم عليهم 3 تومات كله ني في ني ونتبل المحشي ونحطله الكسيره الناشغه والكمون والفلفل الاسود والملح وشويه شطه لو تحبي وممكن رشه نعناع والله بيدي طعم حلو ماتنسوش ان البهارات هي اللي هاتدينا الطعم الحلو بعدين نجيب حله ونفرش فيها عصب الكرنب وبعدين نلف المحشي ونحط في نص الحله فلفلتين محشين بيدو للكرنب كعم يجنن
وزيه البتنجان كمان نحشيه بس نحط في القاع بصل طرنشات بيديله طعم حلو
اما الفرخه سلقتها ودهنتها بمعلقه كاتشيب ومن غير زيت ولا سمنه الكاتشيب هايديها لون حلو جداااااااا
وعملت جنبهم طبق سلطه حلو كده
يالا بقي انا مستنيه النقييم والردود………………… ها فينكم يافتوكات؟؟؟ مواضيع هذا القسم برعاية
ام ادم روءا ام ادم روءا فتكات نشيطة Fatakat 721259 كوالا بيليت – سلطنه بروناى