قررت ابقى موديل عارفين ليه
اولا انا عاوزة ارجع زى ما كنت من سنتين الواحد كان فراشة بس ناوية ارجع على احلى كمان
ثانيا عشان اتشرط على العريس اللى مينفعش يتشرط عليه عشان محبش تبقى حاجة مهمة زى دى ناقصانى و عايبانى مع ان شكلى مش منبوذ بسبب التخن خالص وزى القمر بس انا بقى عاوزة الحلو يكمل و الكمال لله وحده طبعا
ثالثا محدش يقولى الريجيمات الكيميائية مضرة انا حرة فى نفسى و اللى عايزة تتجنن زىى تتجنن انا تعبت نفسيا خلاص
غالبا هنبتدى من يوم الخميس ان شاء الله بس هاحط تصويت تحبوا تبتدوا امتى
متنسيش التقييم عشان التثبيت
فى الاول شوية حاجات مع بعض كده هتتعمل ان شاء الله
1- هاخد ادوية تخسيس هاخد كبسولة الصبح واحتمال ازود حاجة كمان شوية و مش هاقول اسامى عشان محدش يقول انى باعمل دعايا هنا الادوية كتير و مالية الدنيا
2- هاخد كبسولتين كالسيوم بالليل مع العشا الرخيص منه اسمه كالسيمات و الغالى اسمه ماركال
3- هاخد رويال جيلى 1000 (غذاء ملكات النحل) كبسولة واحدة بعد الفطار
4- هاخد قرصين شاى اخضر قبل الغدا بنص ساعة (بدلت اقراص الشاى الاخضر بدوا تخسيس تانى واحدة قبل الغدا و واحدة قبل العشا )لو عندك شاى اخضر او المشروب السحرى اشربى بس مش على معدة فاضية ولا يكون عندك مشاكل التهابات فى المعدة او الاثنى عشر
5- 3 اقراص بران قبل الاكل بربع ساعة مع 2 كوب ماء
6- الصبح على الريق ازازة ماية من الحنفية عشن الامساك و الفطار بعدها بساعة الا ربع
7- نص كوب منقوع لبان دكر منقوع معلقة كبيرة على نص كوباية
8- الوزن فى نهاية فترة كل ريجيم و قبل الوجبة المفتوحة و مش مفتوحة اوى برضه عشان دى ريجيمات كيميائية
9- لو اى عشا فيه فاكهة هابدله بعصير كيوى باناناس بليمون عشان بيزود الحرق
10- المشى 4 ايام فى الاسبوع لمدة ساعتين و الايام اللى مفهاش مشى هانط من غير حبل عشان متكعبلش 300 نطة
11- الفطار فى خلال ساعة من الصحيان و متصحيش بعد الضهر اصحى و فوقى كده بالكتير على 10 و الفطار بالكتير على 11
و الغدا بالكتير على 3
و العشا بالكتير على 8 او 9
و خللى 3 ساعات قبل النوم من غير اكل خالص قضيها مشاريب ينسون او كركديه مثلا بسكر دايت
12- اى مالتى فايتامين كويس كبسولة بعد الغدا
13- السلطة لا يبقى فيها لا جزر ولا بصل
14- اعملى جدول تعلمى فيه على كل حاجة من دول كل يوم عشان متنسيش
الريجيمات بالترتيب اهى
اول ريجيم تخسيس 10 كيلو فى 9 ايام منقول من موضوع هنا
اليوم الاول : زبادي بأي كميه و يا سلام بقى لو دايت
اليوم الثاني : بطاطس مسلوقه بأي كمية بس من غير ملح
اليوم الثالث : برتقال بأي كمية ( لو مفيش دلوقتي عشان الصيف يبقى البديل ليه الجريب فروت و لو هيبقى صعب اوي عليكوا يبقى مفيش مانع من التفاح)
اليوم الرابع : موز بأي كمية
اليوم الخامس: خضار بأي كمية
اليوم السادس : دجاج مشوي أو مسلوق منزوع الجلد يعني بتاع فرخايه كده ولا حاجه
اليوم السابع: خضار بأي كمية
اليوم الثامن: سمك أو لحم مشوي
اليوم التاسع: برتقال بأي كمية
الريجيم التانى من هنا برضه فى فتكات لمدة اسبوع
الفطار عموما
جريب فروت او برتقاله+بيضه مسلوقه
او كوب زبادى +فاكهه ما عدا الممنوع
او بيضه +ملعقتين جبنه قريش
او شريحة جبن رومى من غير زيت يعنى جبنه جديده ودى مش هتلاقيها
الغدا بقى
2قطعة لحمه متوسطه+سلطة خضرا او خضار مسلوق
او ربع فرخه +سلطة خضرا او خضار مسلوق
2سمك مشوى +سلطة خضرا
علبه تونه وطبعا من غير زيت خال +سلطة خضرا
العشا
2 فاكهة
او 3 ملاعق فول وشويه ملح صغيرين اوووووووى
ياريت شاى اخضر بعد الغدا
لو عايزه عصير اشربى عصير ليمون بنص معلقه سكر
الفاكهه الممنوعه الموز والعنب والمانجو والتين والبلح
والسمك الممنوع السمك البورى
و بعدين وجبة مفتوحة لمدة ساعة بحد اقصى الساعة 3 عشان تلحقى تحرقيها و فى اليوم ده اتعشى فاكهة بس او متتعشيش خالص و لو فيها دهون اديها واحد اورليستات قبل الاكل
الريجيم الثالث
ريجيم 12 كيلو فى 12 يوم تم نقل الريجيم ده و اللى بعده من موضوع لمدام غادة الصايغ
اليوم الأول والثاني والثالث
تناولي زبادي وحليب ولبن قليل الدسم، وشاي بدون سكر أو مضاف إليه سكر رجيم،
أو قهوة ويمكنك أن تأكلي جبن قليل الدسم لكن لا تكثري في تناوله
اليوم الرابع والخامس والسادس
تناولي فاكهة بجميع أنواعها.. ولكن ابتعدي عن الموز والمانجو, والتمر وبإمكانك
تناول عصير الفاكهة وابعدي عن الفاكهة المعلبة وخصوصاً الأناناس لأن به نسبة سكر عالية جداً
في اليوم السابع والثامن و التاسع
تناولي الخضار بأنواعه..وعصير الخضار مثل الجزر والطماطم.. ويفضل انك تبعدين عن البطاطس المسلوقة
في اليوم العاشر والحادي عشر والثاني عشر
آخر الأيام ..ترتكز الوجبة على الدجاج واللحوم.. ويفضل الابتعاد عن اللحوم الباردة مثل السجق لان سعراتها الحرارية عالية.
**((تعليمات))**
1- عليك بالرياضة الموضوعيه لكل المناطق فهي مهمة جدا لشد الجسم ومنع الترهلات
2- شرب 2 لتر ماء في اليوم
3- المشروي السحري ميتنسيش مهم جدا لسرعة الحرق وشد الجسم
4- ممنوع السكر العادي استخدمي السكر الدايت
5- مهم جدا علشان صحتك تاخدي ملتي فيتامين
و بعدها علطول الريجيم الرابع ده
رجيم ال800سعر
الافطار :-
3 ملاعق جبن قريش او خالي الدسم تماما
+ 1/4رغيف عيش بلدي او رغيف سن
+ ثمره طماطم او ثمرة خيار + كوب شاي اونسكافيه باللبن خلي الدسم
الغداء :- بالتبادل يوم ويوم
1- طبق سلاطة متوسط +ربع رغيف + جبن قريش( او جبنه خاليه الدسم ) باي كميه
2- ربع فرخة او 2 قطعه لحمة اوسمكة متوسطة مسلوق او مشوي + طبق سلطة كبير
العشاء :- بالتبادل يوم ويوم
1 – بيضة مسلوقه + ثمرة فاكهه ( تفاحة متوسطة )
2 – كوب زبادي لايت + ثمره فاكهه ( تفاحة متوسطة )
التعليمات
– ممنوع نهائيا تغير اي شيئ من الموجود حتي ولو بالحذف
2 – طبق السلطة مكون من ( 1 خياره -1 طماطم – 4 ورقات خس وفجل وجرجير- ثمرة فلفل رومي -كرفس وشبت و بقدونس و كسبره – بصله صغيره او وحده بصل اخضر )
3 – ليكي كوبايه لبن كامله خاليه الدسم ممكن تشربي في حدودها كوبايه شاي او نسكافيه بين الوجبات
4 – المايه مش اقل من 3 لتر مايه
الفيتامين مهم اوي علشان لو دخلت الانيما جسمك هتغلبك في نسبة الحرق
5 – المشروب السحري هاااااااااااااااام جدا
6 – الرياضةمهم لابعد الحدود علشان الترهلات الفتره الجايه متظهرش علي جسمك
7- الفاكهه المسموحة التفاح بس
8 -لايسمح بأستخدام السكر الطبيعي او سكرالفاكهه
المسموح هو دايت سويت فقط
و بعد كده يوم الوجبة المفتوحة بنفس الشروط اللى فاتت
الريجيم الخامس
ريجيم البطاطس المسلوقة من غير حاجة خالص لمدة 3 ايام هاحط عليها لمون بس
الريجيم السادس
4 ايام
الفطار بيضة سلوقة او قطعة جبن قريش و خيارة و نص رغيف سن
الغدا ربع فرخة او ربع كيلو لحمة مسلوقة او مشوية او سمكة مشوية و سلطة
العشا زبادى لايت و ثمرة فاكهة
ملحوظة السلطة لايبقى فيها لا جزر ولا بصل
الريجيم السابع
تمر و لبن لمدة 3 ايام
21 تمرة و 3 كوبايات زبادى لايت او لبن منزوع الدسم موزعين على اليوم
نور قمر مصر نور قمر مصر فتكات رائعة Fatakat 654910 القاهرة – مصر