عندى عزومه سمك حقولكم على تفاصلها
الاصناف صينيه بورى بالخلطه
بلطى مشوى
جمبرى مسلوق
ارز
سلطه بطاطس مميزه
باذنجان بالصلصه
سلطه خضراء
اولا البلطى المشوى
4كيلو بلطى ….انا بشتري السمك حتى لو حتشويه فى المحل لازم اخده البيت انضفه كويس.لان البياع مش حينضفه ذيك بس متشيليش قشره عشان ميلصقش فى الشوايه.
وبجهز الحشو ذى المقلى توم وفلفل اخضر واسود وكمون وملح.
فيه طريقه حشو تانيه بالبصل والبقدونس والبهارات. وارجعه يتشوى بره…
ثانيا صينيه البورى بالخلطه
4كيلو بورى
6حبات بطاطس
4حبه بصل كبير
راس توم
فلفل اخضر
6حبات طماطم
شويه بهارات ملح فلفل كمون شطه
6حبات لموون
الطريقه
قطعى البصل والفلفل والطماطم والبطاطس و3لمونات كلهم ترانشات.
اخلطيهم كلهم مع شويه بهارات والتوم.
نيجى للسمك تبليه بالبهارات واحشيه بجزء من الخلطه اللى عملناها .
هاتى الصوانى وحطى نص الخلطه وعليها رصى السمك وباقى الخلطه فوق السمك
اعصرى ال3لمونات .
فوق كل صينيه شويه زيت وفنجان ميا عشان البطاطس تستوى والبورى حينزل دهونه وحيسوى السمك كويس. وحطيه فى الفرن على درجه 220….
الجمبرى
كيلو جمبرى
اغلى ميا على النار وقطعى بصله كبيره وشويه ملح وفلفل اسود وكمون وشطه عليها واسقطى الجمبرى …. بس
سلطه البطاطس
نص كيلو بطاطس
3معالق طحينه كبيره
لمونهّ . ملح فلفل اسود كمون
3فصوص توم
بقدونس متقطع
اسلقى البطاطس واهرسيها كويس جدا وحطى البهارات واللمون وقلبيها….دقى التوم .ودوبى الطحينه مع 3معالق ميا واخلطى التوم والطحينه مع البطاطس.. هاتى الاطباق واغرفى وذوقيه بالبقدونس….
الباذنجان بالصلصه
كيلو باذنجان
فلفل اخضر حامى
5فصوص توم
7حبات طماطم
قطعى الباذنجان ترانشات تخينه شويه واقليها فى الزيت .
قطعى التوم واقليه فى الزيت وفوقه الفلفل لما يحمر حطى الطماطم طرانشات وملح وفلفل عليه وقلبيهم وعليهم شويه ميا صغيرررررين لحد ما تتسبك ..
ورشيه فوق الباذنجان بعد القلى فى اطباق الغرف…..
الارز
3كيلو ارز.3بصل كبير.
ابشرى البصل احسن واذوق من التقطيع وحمريه كويس بس مش تحرقيه
وحطى الميا نفس معيارالارز .واغسلى الارز وحطيه بعد ما الميا تغلى ووطى عليه…
السلطه
طبعا طماطم وجرجيروجزر وخياروكابتشو وممكن بقدونس واهم حاجه اللمون والخل…
السفره
تذويق السفره .لكل فرد طبق فاضى للتقشير
جنبه منديل مطبق مثلث
الارز يعبى فى طبق الشوربه ويقلب فى طبق الغرف
البورى والبلطى والجمبرى فى سرافيس كبيره
اوعى تنسى شوربه الجمبرى
العزومه كانت 15 فرد وانتم اللى حتقيمونى..
اااااااااالف هناااااااااااااااا:sFun_duh2 : مواضيع هذا القسم برعاية
زهره غزه4 زهره غزه4 images/flowersavatars/avatar0024.jpg فتكات متميزة Fatakat 454939 شرم الشيخ – مصر
سبحان الله و بحمده