كلنا بنمر بازمه العزومات وبيكون يوم عصيب جدا 0000
بس انا بقسم اليوم ده لمراحل عشان ميكنش عصيب
ويكون يوم جميل ولذيذ بلمه الاهل الحلوه
انا عزومتى جم فيها 8 افراد كبار
انا جبت ورقه وقلم وقررت اعمل ايه على الفطار عشان اكون مجهزه حاجتى
والاصناف اهى
فراخ محشيه ومشويه 3 فرخات
وكفته صوانى
ورقاق بالعصاج
ومجموعه محاشى
ورق عنب
كوسه باذنجان وفلفل
وملوخيه والبطاطس تحت الفراخ المشويه
وسلطات خضراء
وسلطه مايونيز
وزيتون
ورز بالشعريه
والحلويات
كنافه ملكيه باللبن المكثف
وجلاش قطع صغيره بقلاوه
وقطايف بالكاسترد
المشروبات
تمر هندى
خروب
قمر الدين
وطبعا الخشاف
يبقى انا كده عرفت انا ناقص عندى ايه وحشتريه
وعرفت ايه الموجود عندى انا مجهزه العصاج من قبل رمضان فى الفريزر ولا بيجرى له حاجه
ويكون موجود وقت الزنقات
قبل العزومه ب 3 ايام
بدات بالعصاير
قولت اعملها واشيلها فى التلاجه تكون جاهزه
عملت التمر هندى
وده سهل انا بشتريه كور وبنقعه بالميا 6 ساعات
وبحليه بالسكر واصفيه
والخروب
بحط ربع كيلو على 2لتر ميا على النار لحد ما السكر يدوب ويكرمل واصب الميا
واسيبه ينقع 6ساعات
وبعدين اصفيه وممكن اضافه ماء ورد وبيكون روووووعه
وبجهزه فى زجاجات ويكون جاهز وقت الزنقه
وده قمر الدين
انا بسلقه على النار
وبسيبه يبرد خالص واضربه بالخلاط بعد اضافه السكر
وبعدين اعبيه فى زجاجه
وبحضر فى نفس اليوم الشربات وبحطه فى برطمانات يكون جاهز للحلويات
وكمان جهزت الكفته
نص كفته على صينيتين
وبشرت عليهم بصلتين وبقدونس
وبهارات لحمه وفلفل اسود وملح
وحطيتهم فى الفريزر لحد يوم العزومه
وده كان تاااااااااااااالت يوم قبل العزومه
يبقى كده انا خلصت من العصاج والكفته والعصاير والشربات
اليوم التانى قبل العزومه
وده خاصصته للنظافه وتوضيب الحجرات
عشان ادخل على المطبخ وتكون الشقه متظبطه
بدات فى حجره بنتى عشان المعازيم معاهم 5 اطفال
جهزت الحجره عشان يلعبو فيها ويرحمونا من الدوشه
وده السبت اللى حيتحط فيه الكراكيب
وجهزت سرير للى يحب يمدد بعد الاكل
اصل العزومه من القرايب يعنى مفيش حد غريب
وجهزت الصاله الريسبشن عشان الاستقبال
وكمان حيكون المكان اللى حنقعد فيه
ودى السفره اللى حياكلو عليها
وده الحمام وده اخر حاجه بتتنضف
قبل العزومه بيوووووووووم واحد
قولت بقه المفروض انى اخلص الاكل واحطه فى التلاجه
عشان الضيوف بكره ييجو ويكون الاكل جاهز ومسيبهمش واقف فى المطبخ عيب
وكمان لانى لوحدى
بدات بالفراخ
طبعا انا مش بشيل الفراخ فى الفريزر الا بعد لما انضفه كويس جدا
طلعتهم وسيبتهم يفكو ودعكتهم بالملح والليمون كويس جدا
وبدات احضر التتبيله
ميه بصل مبشور وطماطم مبشوره وزنجبيل وزعتر وملح وفلفل وزبادى
البصل بشرته وحطيته فى مصفاه وعليه شويه ملح حتلاقيه نزل كل ميته
وطبعا البصل انا مش حرميه حستخدمه للمحشى ما انا فتوكه بقه
ودى التتبيله
ودى الفراخ بعد التنضيف
وحبدا اغز الفراخ بطرف السكينه كويس عشان تشرب التتبيله ومتاخدش سوى
واحشى التتبيله بين الجلد واللحم
وجوه الفرخه كلها واحطهم فى كروانه صغيره تاخدهم
وبعدين اكيسهم كويس واحطهم بالفريزر ليوم العزومه
يبقى كده الفراخ جاهزه على الحشوه اللى مينفعش اعملها قبل العزومه لازم يومها عشان
الرز مش يبوظ
انتظرووووووووووووووووووووووووووونى
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره