عزومة مفاجأة ارجو النصيحة و محل لطبخ الديك الرومي يكون متجرب
الفتوكات العسولات الف سلام و تحية يا قمرات
اختكم مزنووووووقة بجد زنقة مهببة
خالة زوجي جاية تزورنا و هي من بلد تانية و لازم اقوم معاها بالواجب
و عاوزة اعمل غداء يشرف و عزومة حلوة لانها من سنين طويلة مش دخلت بيتنا
كمان هي شطورة اوي اوي اشطر ست اعرفها بتطبخ و احسن من اي شيف في مصر و عليها اكل ما اكلتوش في مطاعم 7 نجوم و الله ..و فظيعة في النقد عندها قوة ملاحظة جباااااااااارة و مش بتشوف و تسكت لا لازم تقول ده حلو ده وحش
و انا عندي شغل كتير زحمة شغل جامدة جدا مش عارفة اتصرف ازاي بشتغل 20 ساعه و الله
قولولي نصايحكم الحلوة لو طب عليكم ضيف على غفلة كده و مش لاحقين مع العلم هي مبلغانا قبلها بيومين
فكرت في الاسماك و اجيب كله جاهز و اضبط انا سلطات بيتي و جمبري
بس هي قروبة هتفقس العملية و كمان مش عارفة هي بتحب الاسماك و لا لأ
فكرت في ديك رومي بالخطلة متظبط جاهز بس ده عاوز محل مضمون و حجم كبير و معرفش مين بيعمله هنا لاني لسه ناقلة جديد في فيصل
اللي عندها فكرة عن محل كويس يعمل ديك رومي و محاشي نضيفة زي البيتي في فيصل تقولي
و اللي عندها اي افكار حلوة للعزومات المزنوقة دي ما تبخلش عليا
ربنا يخليكم انا في موقف لا احسد عليه و مفيش قدامي وقت دي جاية بكرة
في انتظار ردودكم و دعواتكم الحلوة ان ربنا يوفقني في المهمة الصعبة دي و يعدي اليوم ده على خير
مواضيع هذا القسم برعاية
lula el3asola lula el3asola 795668_2.gif فتكات نشيطة Fatakat 795668 Cairo – Egypt