السلام عليكم النهارده ان شاء الله عندى عزومه هى لفرد واحد بس انا عملت كذا صنف لزوم فتح النفس يعنى
القائمه :
كفته بصوص الشوفان
مجشى يتنحان وكوسه وفلفل
كوردن بلو
مكرونه بشامل
شوربه فريك
ترتيب الشغل:
امبارح عملت الكفته والمحشى
الكودن بلو بجهزه فى الفريزر بكميات واحفظه
المكرونه البشامل والشوربه عملتهم يوم العزومه
طريقه الكفته:
نص كيلو لحمه مفرومه عليهم بصله مفرومه وملح وفلفل وبهارات ومعلقتين بقسماط و معلقه كتشاب صغيره
ونصبعها ونرصها فى الصنيه ونغلى كوب ميه ونصبه عليها وعلى البوتجاز لحد ماتستوى
التكه 1: لما بكون عمله كباب حله او عرق لحمه بارده بحوش شويه من الصوص قبل ما يتقل واحطه فى الفريزر ولما اعمل كفته بحط الصوص ده عليها وهى على النار فالكفته بتشرب منه وبيكون لونها حلو
التكه 2:لصوص تقيل م
قبل ما الميه تنشف خالص حطى م ك شوفان مع الكفته و سيبها تكمل سوى
التكه 3: الفحمه لريحه شواء وديه معروفه من قبل
الصوره ديه قبل تسخينه يوم العزومه
طريقه المحشى:
معروف وما شاء الله المدونة مليان وصفات محشى
التكه : بعد ما يستوى بنقله فى صنيه فرن وادخله ياخد لون
الكوردن بلو:
الصوره قبل الفرن
صدور فراخ نفردها ونتبلها بصل وملح وفلفل ومستطرده وليمون ونحشيها جبنه ورقه ولنشون تركى او اللى تحبيه ونقفلها كويس وعلى البيض والبقسماط
ولازم تتحط فى الفريزر قبل ما تتقلى وممكن تحفظيها لوقت ما تحتجيها
التكه: بسويها فى الفرن علشان الدهون … بفرش صنيه الفرن فويل وعليه ورق زبده وارشها زيت بسيط وارص الكورد بلو وبعدين رشه زيت تانى و ورقه زبده واقفل بالفويل وعلى الفرن
المكرونه بشامل :
معروفه وبرضه المدونة مليان وصفات
واهى بمقاديرها
الشوربه الفريك:
روعه ومفيده ولو جربتيها مش هتبطليها
ننقع 3 م ك فريك فى ميه سخنه لمده 2 ساعه
نصفر بصله فى شويت زيت
نضيف الفريك المنقوع بعد تصفيته
نضيف شويه شوفان لزوم القوام والقيمه الغذائيه
ونقلب
نضيف شوربه دجاج او لحمه فقط او ماء وعليه مكعب شوربه اى نوع تحبيه
ونسيب الشوربه تستوى
تقدم ومعاها العيش المحمص او صن بايتس و بقدونس
الاكل لسه فى الفرن ان شاء الله اصوره قبل ما يتاكل هههههههه
بس ادعولى بصلاح الحال وروقان البال وربنا يسد عنا الدين اللى علينا مواضيع هذا القسم برعاية
coffee coffee فتكات رائعة Fatakat 136791 مدينتي – مملكتي