ازيكم ياعرايس
م تتخيلوش اد ايه وحشنى القسم ده بجد عمرى ما دخلته غير لما استفدت قبل م اتجوز
ودلوقتى الحمدلله اتجوزت على خير وبقيت ادخل اقسام تانيه معاملة الازوج بقا والحمل والولاده عقبالكم كلكم يااااارب
الاول عاوزين كلنا نشكر ربنا على النعمه الكبيره ال ربنا فضلنا بيها على كتير وهى نعمة الزواج
انا دلوقتى قلت بحكم خبرت 3 شهور هكلمكم عن السيلك ابيل والسويت لان ديه اهم حاجه بعد الجواز ولقيت من كام يوم فتوكات كتير بتسال ومحتارين اوووى
مبدأيا عاوزين نتفق ان كل جسم وليه طبيعته ف انا هتكلم عن اللى نفع معايا
الواكس : ( الشمع )
مش هديله اكتر من وقته معايا لانى جربته وتجربتى الشخصيه معاه لقيته فاااااااااااشل بكل ما تحمله الكلمه من معنى ف مش هديله اهتمام ف موضوعى
لكن ال جربه وحبته تستمر عليه لان كل جسم وليه طبيعته غيرى
اول حاجه هنتكلم عن السويت
طبعا كلنا بنقول انها رائعه واد ايه بتنعم الجسم وبتفتحه
بس للاسف
الكلام ده قبل الجواز
بعد الجواز الوضع بيختلف وبالنسبالى لقيت ان السيلك ابيل هى رقم احد
السويت كانت معايا مش نافعه غير فى المناطق الحساسه فقططططططط غير كده لأ
هعملكم مقارنه بسيطه عشان نبقى مع بعض فى الصوره
فيه حاجه كلنا مش واخدين بالنا منها وهى اننا واحنا لسه بنات ممكن بننسى نفسنا اسبوعين ولا حاجه ونفتكر اننا بنا
ف بنعمل سويت طبعا وقتها بيكون الشعر طول شويه ف بتكون السويت احسن
لكن بعد الجواز الوضع مختلف تماماااااااااااااااااااااااااااااااا
انتى مش هتقدرى تسيبى نفسك حتى 5 ايام وهى فيه حاجه بسيطه طالعه وطبعا وقتها مش هينفع السويت لانها مش بتشيل الشعر الصغير
لكن السيلك ابيل ف ثوانى تيك تيك وخلاص خلصتى
قبل الجواز بتكونى زهقانه ف ممكن تاخدى السويت كوسيلة للتسليه ممكن تعدى ساعه او اتنين بيس جدا مفيش مشكله
بعد الجواز تفتكرى ميين هيسمحلك تعدى ساعه ف الحمام مثلا تعملى سويت ولزقى بقا وشغل الموتوووووور وافتحى الباب والباب يلزق ولا لو ف الصيف السويت تسيح ولو ف الشتا السويت تحجر منك
يعنى بجد بعد الجواز السويت مواااااااااااااااااااااااااااااااااااااال
بيبقى مفيش وقت ووراكى مليون حاجه
ده غير لو باذن الله ربنا كرمك وحملتى هيبقى خلقك ضيق زى م حصلى
لكن السيلك ابيل نضااافه بجد فى هدوء كده كل 4 ايام شيكى على كل جسمك ف هتشيل لك اصغر شعرايه وولا تلزيق بقا ووجع دماغ
بالنسبه للانواع عشان برضه كل العرايس بيحتاروا نجيب نوع ايه وايه الفرق
كل انواع السيلك ابيل حلوه اوى اهم حاجه يكون فيها كشاف عشان ه بيبينلك اصغر شعرايه ف تقدر تشيلها
وانا ف بيت ماما كنت بستعمل ديه
ديه اسمها سيلك ابيل 5
حلوه جدا ومفيش فيها كلام بس كانت بتاخد منى وقت شويه واهم حاجه ان فيها كشاف عشان توريكى لو فيه شعرايه صغيره
تقديرى ليها اديها 8 من عشره
لكن لما جيت اتجوز جبت ديه
ديه اسمها سيلك ابيل 7
مش عارفه اقولكم ايه عليها
كلمة رااااااااااااااااااااااااااااااااااااااااااااااااا ااااااائعه قليله عليها بجد اديلها مليوون من عشره
عاوزه اقلوكم سريعه جدددددددددددددددددددددددا الملاقيط فيها اضعاف السيلك ابيل العاديه وبتشتغل فالميه بس موضوع الميه عمرى م جربته شايفه انها مش مستاهله م حبكش يعنى
طبعا فيها الضوء برضه اللى بتبين لك اقل شعرايه وسريعه اوووووووووووووى يعنى انا كل 4 ايام كده بشيك ع كل جسمى والله م بيكمل تلت ساعه
وتصممها انها طويله ف ميحة حتى ف مسكة الايد
والحلو فى سيلك ابيل سفن انها بتتشحن
يعنى الاولانيه كان لازم اعدف مكان جمب الفيشه وافضىل متلصمه فيه لحد ما اخلص
لكن التانيه اللى هى 7 بتتشحن ف بعد ف مكان مريح بالنسبالى مش ملزمه بمكان معين
بالنسبه للوجع
مش بتوجع خاااااااااااالص بلعكس بتزغزغ والله وده لان وانتى عروسه مش بتستنيه يطول
لكن وانتى لسه انسه ممكن تسيبى نفسك لحد م الشعرايه تبقى اد شنبات العمده
وتيجى تعملى بالسيلك ابيل اتفرجى ع الوجه صوتك هيسمع لاخر الشارع
لكن لو الشعر صغير جربى والله م هتحسوا بحاجه
وبعد م تخلصوا ياسلام بقا لو دهنتوا جونسون بيبى اويل والله بتبقى البشره شبه بشرة الاطفال بالظبط
وعشان كده انا بنصح كل عروووسه انها تجيب سيلك ابيل سفن وهى مغمضه وتكون اول الحاجات ال بتجيبها بجد
ولو افتكرت اى حاجه تانيه هكتبالكم فى الردود باذن الله وهحطلكم اللينك فى الموضوع
وال عندها اى سؤال تسأله وانا هجاوبها ع طول
وربنا يكمل لكل العرايس ع خير ياااااااااااارب واهم حاجه يابنات بلاش توتر وقلق
وادعولى ربنا يكملى حملى ع خير يارب ويرزقنى الخلقه السليمه المعافاه دون زياده او نقصان
واوعى تنسوا يابنات التقييييييييييييييييييييييييييييييييييييييييم
SaSo l(S.M)l SaSo l(S.M)l 153253_16.gif سوبر فتكات Fatakat 153253 AleX جوه حضن جوزى جنتى بجد – ♥ ♥ فى حضن روح قلبى دودووو ربنا يخليهولى ونفضل دايما متجمعين ع خير يارب ♥