ازيكم يا بنوتات وياعرايس
أكيد طبعا ملبوخين لبخة جامدة ف الجهاز والشقة والعفش والفرش وايه الحاجات الحلوة وايه ملوش لزمة وكده
فانا بما اني لفيت كتير جدا ودورت كتير عالنت قعدت مخطوبة سنتين بقي فكان قدامي وقت طويل ادور وارتب افكاري براحتك
فهتكلم معاكم وارغي ف تجربتي المتواضعه
وهبدأ النهاردة ف الشقة نفسها وهيا السيراميك والدهان وازاي تختاريهم
*اول حاجة طبعا ترتبي ف دماغك عاوزة عفش مودرن ولا كلاسيك
*تاني حاجة بتميلي للون البني ف العفش ولا ممكن اسود او ابيض كده يعني
اولا ((( السيراميك)))
ــــــــ انا بالنسبالي مبحبش المنقوش ولا واحدة و واحدة ولا الهيصة دي بحب السااادة بيكون شيك ورقيق وبيليق مع اي عفش وبينطق المكان
اكتر لونين سيراميك بيكونوا شيك هما البيج و الرصاصي الفاتح
ف حالة انك حابة جو البنيات ف العفش فطبعا البيج ده عامل اساسي بيليق مع كل البنيات
اما لو نفسك ف الوان الاسود والابيض والاحمرا والموف وكده فالرصاصي الفاتح بيكون شيك اوي وبيليق ع الوان كتير
وبالنسبالي اخترت البيج لاني كنت ناوية ع البني ف العفش وكده
***خلاص ياعروسة اخترتي لون السيراميك بتاع الشقة تمام
**نيجي لسيراميك المطبخ والحمام
وقبل ما تختاري سيراميك المطبخ والحمام لازم يكون ف بالك حاجتين
// تنسقي لون سيراميك الحمام مع طقم التواليت
// تنسقي سيراميك المطبخ مع دولاب المطبخ
لان بيكون شاذ اوي لما اشوف شقة عروسة وجايبة ومكلفة بس الالوان مش متناسقة
اهم حاجةف سيراميك الحمام خليكي ف الفاتح ولو فيه لون غامق سواء وزرة او تابلوه او نص ونص خلي الغامق قليل عشان بخار المية بيخلي الغامق يجير وكمان الصابون والمسحوق
واختياري للحمام كان سكري مع بني وخليت البني قليل وطقم الحمام كمان سكري ولايق مع الحمام
وبالنسبة للمطبخ
فيه طبعا خشب وفيه الوميتال تكوني مقررة اللون ف دماغك قبل اختيار السيراميك ولو مش مقررة يبقي اختاري يراميك محايد
وفيه اشكال سيراميك كتير وشيك وفيه رسومات وادوات مطبخ وكده
بالنسبالي اخترته بيج لاني كنت مقررة اني اعمل مطبخ خشب بني والحمد لله طلع شيك جدا وجميل وكله كان منبهر بيه
اما بقي لو انتي ياعروسة هتعملي المطبخ الوميتال يبقي تركزي ف اختيار السيراميك بحيث يتماشي مع مع لون المطبخ اللي هتختاريه
*******///////***** واهم حاجة بنصح بيها العرايس هيا انك تعملي سقف المطبخ والحمام سيراميك وده بجد اختراع جميل جدا
بيبقي علطول ونضيف انما لو دهان بيجمع دهون وتنضيفه صعب لاكن السيراميك سهل ف التنضيف جدا لو بالشرشوبة او فوطة نضيفه مبلوولة مية ببريل وتلفيها عالمساحة وتمسحيه بيبقي جميل وبيلمع
انا كده خلصت جزء السيراميك ولو لقيت تفاعل هكمل معاكم كل حاجة لحد مالشقة تخلص خالص وتدخليها بالفستان
مشاركات مهمة
#10
#24
#34
يارب خليك جمبي يارب خليك جمبي 514940_31.gif فتكات غالية قوي Fatakat 514940 المنصورة – مصر