حبايبي القمرات البنوتات العسولات والفتوكات الشطورات جمعنا الله علي الخير وما ينفع به بعضنا
حبايبي النهاردة جيبالكم وصفة بجد كنت فاكراها صعبة بس لما جربتها واستفدت من خبراتكم كانت سهلة
عرق اللحم او اللحمة الباردة
بجد شيك جدااااااااااا في العزومات والرحلات وفي اكلنا ….ولو العرق فاض منه الباقي علي الفريزر
وتطلعي منه وعلي الفرن يادوب تسخني …ومعاة مكرونة رز معمر اللي يعجبك
ندخل بقي في الموضوع …ونسمي بسم الله الرحمن الرحيم ….هتشتري عرق اللحم من الجزار وهتقولي لة عايزة عرق لحم للحمة الباردة ……
هنتبلة من برة بالبهارات والملح والفلفل والخل والشطة والمسطردة والقليل من الصويا صوص هنحاول نغرز بعض فصوص التوم داخل العرق الاول بالسكين نفرغ مكان لفص التوم وندخلة داخل اللحم وفي البعض بيغرز داخل الللحم جزرة من الوسط بطول العرق وبتدي شكل رائع وانقعية من بالليل في التلاجة
وبعدين نحضر صينية نشوح العرق في القليل من السمن او الزيت علي النحيتين ونطفي علية ونحضر في نفس الصينية الجزر البصل الكرفس البطاطس
الطماطم والقليل من المية وندخلة الفرن ونتابع الصور
العرق بنشوحة في الزيت علي كل الجهاتوباين التوم اللي غرزناةداخل العرق
لغاية ما ياخد اللون الدهبي
ايوة تمام اللون الحلو دة ونطفي النار علية
نكون محضرين الخضار المشكل جزر طماطم بصل بطاطس كرفس
هنضيف كوب ماء وندخلة الفرن
وهنا لما طلع من الفرن وهوا بياخد من ساعة لساعة ونصف حسب حجم العرق
هنسيبوة داخل الفرن يستريح وبعدين نقطعة شرايح بسكينة حامية
واضح التوم اللي حطناة في الاول داخل اللحم
يارب موضوعي يعجبكم يا قمراية انتي وهية وهية
ومستنياكم حبايبي ……وماتنسوش دعوة لاختكم ام محمود
واتمني لكم كل الخير والرضا
مواضيع هذا القسم برعاية
ام محمود123 ام محمود123 546601_2.gif فتكات رائعة Fatakat 546601 القاهره – مصر