تجيبى العدس الاصفر الكميه اللى تحبيها وتغسليه وتكونى حاطه فى الحله شويه زيت وتنزلى بالجرز والبصل والكرفس لو حابه تحطي كرفس والفلفل وواحده طماطم وتقلبيهم مش كتير وتنزلى عليهم بالعدس وتحطى ميه يادوبك تغطيه وتسيبيه على النار لحد مايستوى يعنى ربع ساعه وتابعيه لاالميه تنشف ويشيط واخر حاجه تدقى فصين توم وتقليهم وتنزلى عليهم بشويه كسبره ناشفه وشطه وكمون وتحطيهم على العدس وتطفى عليه وتحطيه على جنب وتكونى مجهزه صدور فراخ وتقطعيها شرايح وتشوحيها شويه فى الزيت لحد ماتستوى وترصيها فى صنيه وتنزلى عليها بالعدس وتدخل الفرن لمده عشر دقايق وبعد كده ترشى عليها تقليه بصل وتقدم وبألف هنا
مواضيع هذا القسم برعاية
أم مريم أيمن أم مريم أيمن 423936_1.gif فتكات رائعة Fatakat 423936 raas gharib – egypt
سبحان الله و بحمده