فتوكاتى حبيباتى
اسعد الله مساؤكم بكل خير وحب ورضا من الرحمن ويارب الكل فى اسعد حال وكل سنه والكل بخير وربنا يعيد رمضان على مصر وعلى الامه الاسلاميه كلها بالخير واليمن والبركات
الحقيقه انا من فتره مدخلتش المدونة ادعولى بالله عليكم بكشف الكرب وان ربنا ينولنى اللى فى بالى
موضوعى النهارده بقى هديه منى ليكو كلكم طبعا وهديه خااااااااااصه لوحده صحبتى جدا وبعتبرها اختى كمان بصالحها بيها عشان قلقها عليا وهى عارفه نفسهااااااااااااا
ادخل بقى على الموضوع عشان زمانكم اتخنقتم منى
ازاى تفرزى عجينه البيتزا ؟؟
الحقيقه انا كنت مرات كتير اشترى عجينه البيتزا متفرزه عشان يعنى تبقى سريعه فى اى وقت يادوب الحشو والتسويه وخلاص كمان لو حد عمل كبسه عليكى على العشا وانتى مش عامله حسابكم هيببقى عندك اروع عشا فى دقايق
من هنااااااااااااا جت الفكره وقلت ليه اشتريها وانا ممكن اجرب اعملها فى البيت ؟؟؟؟
شغلت الفكيره واستخدمت عجينه العشر دقايق هااااااااايله جداااااااااااا بعمل بيها حاجات كتير جدا بيتزا وفطاير حلوه وحادقه وكمان فينو
جربت والتجربه نجحت نجاااااااااااااح هايل مكنتش متوقعاه
يلا نبدا بسم الرحمن ونشوف
المقادير على مرحلتين
الاولى
كوبايتين دقيق
معلقتين كبار خميره فوريه
معلقتين سكر
رشه ملح
وحوالى كوبايه ونص مايه او زياده
نعجن المقادير السابقه مع بعض ونخلى قوامهم زى الكيك ونسيبهم يخمروا عشر دقايق
المرحله التانيه
3كوبيات دقيق
نص كوبايه زيت
ونخلطهم مع المقادير اللى فاتت ونعجنهم كويس
بعد كده نبدا نشكلها تقدرى تعملى اى مقاس يعجبك انا عملته كله مينى
تدهنى القالب بتاعك زيت خفيف
تحطى وحدات البيتزا
تدخليها فرن سخن 180 لمده يا دوب 4 دقايق يادوب بس تنشف من فوق وتنفش حبه صغيره ومن تحت تكون يادوب مصفره بسيط لسه هتلون يعنى
تخرجيها من الفرن تبرد شويه
بعد كده تخزنيها فى كيس بلاستيك وبين كل واحده وواحده تحطى ورقه فويل عشان لما تتجمد متلزقش فى بعضها وتقدرى تفصليها بسهوله
وقت ما تحتاجى تطلعيها وهى متجمده تدهنيها صلصه وتحطى الحشو اللى انتى عاوزاه وتدخليها الفرن اول ما تسيح الجبنه هتبقى البيتزا استوت وبقت زى الفل وبتبقى طريه وكانك عاملاها لسه حاااااااااااااالا والله يابنات احلى من اللى كنت بشتريها
يلا نشوف الصور
كده بعد الفرن
اقرب شويه
كده لما طلعتها عشان اجرب بقى
بعد ماخرجت من الفرن اتفضلووووووووووووووا
اقررررررررررررب
اتمنى تكون الفكره عجبتكم وتجربوها وساعتها متنسوش تدعولى بقى
بجد هايله وكمان لو كنتى بتعملى بيتزا واتبقى منك شىء ممكن تفرزيه كده بسهوله بدل ما يترمى
هنا لينك عجينه العشر دقايق بالصور لو تحبى تشوفيها
الحقى العشا بسرعه فطاير وبيتزا من مطبخى سخنه نااار
https://fatakat.univanet.com/#1749423
ودى صوره للفينو اللى عملته بالعجينه دى هاااااااايل جدا بس لازم تاكليه سخن بعد ما يتعمل على طول يعنى تعملى كميه على اد ساندوتشات العشا بس لان اما يبات مش بيقى حلو حتى لو حطيتيه بالفريزر
دى صورته
اتمنى اكون افدتكم مستنيه ردودكم اللى هتسعدنى والتقييم لو استاهل والى وصفه اخرى دمتم فى حفظ الله مواضيع هذا القسم برعاية
ام لؤلؤ وميوره ام لؤلؤ وميوره 215892_3.gif فتكات ست الكل Fatakat 215892 مملكتى الخاصه – الدنيا الواسعه