السلام عليكم يا بنات
بصوا انا مضايقه جدااااا بس الحمد لله على كل شىء انا كنت بتابع من قبل اول حمل مع دكتوره لبنى عبد العزيز وهى مشاء الله ممتازه لانى كان اصلا من قبل الجواز وانا عندى مشكله ان هرمون اللبن كان عالى بسبب ورم حميد فى الغده النخاميه
وبعد الجواز محملتش غير بعد 8 شهور لانى كنت متابعه الاول مع دكتوره كانت مهمنانى ان الحياه وردى لحد ما روحت لدكتوره لبنى وطلبت منى تحاليل واشعه وقالتلى الحمد لله الدنيا كويسه وادتنى منشط واول مره حصل حمل الحمد لله وربنا رزقنى بريتال بس دكتوره لبنى قالتلى احنا هنركب لوب بس مش هنطول لان انتى اصلا عندك مشكله ومش عارفين الحمل التاني هيحصل امتى فسنه ونشيله ونشوف هيحصل حمل ولا لا
المهم انا شلته من سنه تقريبا من شهر تسعه الى فات ومن ساعه ولدت مجتليش البريود ولا مره ولا حتى بعد ماشلته مكنتش بتيجى غير بادويه واوقات حتى بالدوا مش بتيجى واللبن فى صدرى مكنش عاوز ينشف خالص
المهم دكتوره لبنى قالتلى انتى عندك تكيسات وقعدت فتره اخد دوا مجبش اى نتيجه قالتلى خلاص نعمل منظار وفعلا عملت منظار شهر اربعه الى فات وقالتلى كده خلاص التكيسات مبقتش موجوده بس المشكله انى لقيت بطانه رحم مهاجره وبيحصل ليها تجدد كل شهر وادتنى دوا اسمو فيزان كان ب350 جنيه اخدته لمده شهرين والبريود مجتش غير مره واحده بس اول ماعملت المنظار وبرده اللبن مش بينشف
اخر مره روحتلها كان يوم الاربع الى فات قالتلى انتى خلاص جسمك مبقاش قابل اى دوا احنا غيرنا ادويه كتير لهرمون اللبن وبرده مش عاوز ينشف احنا هنستنى ليوم عشرين لو البريود مجتش هناخد 3 حقن علشان تنزلها ولو منزلتش اروحلها لو نزلت خلاص هستنى شهرين من غير اى ادويه لو محصلش حمل ابدى اعمل حقن مهجرى لانى مش هيصحل حمل غير كده وبرده قالتلى اللبن فى صدرك مش هينشف طول ما تجدد بطانه الرحم بيحصل كل شهر
انا بصراحه زعلت اوووى انا عملت كل حاجه هى قالتلها بس جوزى واخواتى عاوزينى اشوف راى دكاتره تانيين
ياريت يابنات لو حد حصل معاه كده يقولى عمل ايه
وكمان ياريت الى جرب دكاتره فى مصر الجديده استشاريين يقولى اسمائهم وعنوانهم بس ياريت يكونوا ستات
معلش طولت عليكم بس حسيت انى عاوزه اتكلم لانى مضايقه
dodo diab dodo diab 39369_1.gif برنسيسة فتكات Fatakat 39369 القاهرة – مصر
سبحان الله و بحمده