اخواتي في الله انا طالبة المشوره وارجو من صاحبات الخبرة في التدبير المنزلي ان تساعدني ولها اجران اجر المساعدة لان المسلم في عون اخيه واجر الدعاء لها مني بالصلاح والرزق .انا شاطرة في الطبخ ودائما اجدد في اكلاتي واتعلم وصفات جديدة من شربيني وشريف وحسن ومنال ,لكن مشكلتي اني اروح مترو اوكارفور ارجع بدون الميزانية 2024 او 3000 اصرفهم واقول للكاشير اتاكد يمكن الحساب غلط لكن يطلع صح ويري زوجي الاكياس فيبدا باتهامي باني مسرفة طب اعمل ايه؟ الخضار غالي والفاكهة غالية حتي السلطة الكابوتشي وصل 4جنيه الواحدة والحيار والطماطم حتي الخضرة الحزمة ب 1,5 جبت حبهان ربع ب175 جنيه وتمن صنوبر لزوم الرز بالخلطة ب 200 جنيه واللحمة 80 جنيه حتي المفروم نفس السعر جبت بقوليات ورز بسمتي والبان وزبادي وجبن ايمنتال وشيدر وكرافت وبريزيدون ورومي وفلامنك وجودة وروكفور وبراميلي وقريش وعسل ومربي ولانشون وبسطرمة وبيض وزبدة وكبد وكلاوي وكباب حلة وشيش طاووك ومكرونات واندومي ولازانيا ورقاق وجلاش وباف بستري ووكانيلوني وتوابل وبهارات وزيت ومن الممنظفات برسيل جيل وداوني وويندكس وكلوركس وديتول وبليدج للباركيه وبليدج للاثاث وفيري والعملاق للتطهير وجنرال للارضيات وصابون دوف وديتول ومعطر للسيفونات وعصائر جاهزة خروب وكركديه وتمر ولبن بالتمر دينا اما الياميش زوجي اشتراه ,وامبارح روحت مترو جبت جبن للسحور وزيت ذرة وعباد كريستال وبرسيل جيل ومطهرات ومياه غازية متنوعة وفرخة وشوية صوصات ودبس رمان وصويا صوص وباربكيو صوص وكلتشاب وصلصات وصوصص المكرونة والباشاميل وخلطات الحواوشي والكبسة وبهارات كتير زي القرفة والكبابة وجوزة الطيب والكاري والكركم واللورو وروز ماري وريحان وجنزبيل فريش وشوبات كوين جاهزة جميع الانواع وخلطات الفراخ المقرمشه وبهارات الفراخ المشوية …..الخ والومنيوم فويل واكياس قمامة وصواني فويل المهم 1000 جنيه يعني من اول رمضان للان 4000 ومش عارفة حكمل ازاي وزوجي زعلان ومنع عني الفلوس رغم انه كان كريم جدا لكن الان تغير وبيدعي اني مبذرة واني بشتري جاحات تافهة ويقولي فيه ستات ما بتجبش صوصات ولا كل التوابل والبهارات وصوص التار تار والشيلي والزعتر والذي منه واكلها زي الفل طب وانا مالي مهما في التلفزيون بيضيفوا الصوصات دي والبهرات وانا مالي .لو اي اخت عندها وصفة لي ياريت تقوله يارب يباركلها في رزقها وبيتها وولادها وجوزها ونفسي اوفر واحوش قرشين مش عارفة ده غير ميزانية الصيدلية من كريمات وماسكات وكل مايخطر علي بالكو من منظفات للبشرة حتي مناديل ديتول المبللة علبتين ب75 جنيه وشامبو اكرينال 100 جنيه وجرين تي 120جنيه وماسك لللشعر 120جنيه و2قلم حواجب 180 وملقاط 70 وتوك شعر 40 وكريم مغذي للشعر 120 وبانتين بديل الزيت 40 و2 شاورجيل ديتول 70 وحاجات تانيه مش فاكرها بس الميزانية طارت واضطريت اسحب 2400 من الفيزا غير ال4000 ولسة عاوزة اشتري خاجات كتير .ارجوكم ساعدوني لن شكله زهقان مني وخاسس اني عبء تقيل عليه ومش بيكلمني وعنييه بتتهمني اعمل ايه يارب الي تدلني ربنا يكرمها ويستورها انا ميزانيتي 3000 لكن بيديني زيادة في رمضان والمناسبات والعزومات وفي الصيف لان عندنا ضيوف وعزومات واحيانا بناكل بره طبعا علي حسابه بس تفتكروا 3000 كفايه في الزمن ده واحنا 3 افراد ولايوجد بامبرز اومستلزمات اطفال لان بنتي كبيرة وليس لها طلبات واللبس باباها بيجيبهولها وكذلك اشيكولا والايس كريم اوالتورت والجاتوهات وخلافه .فيكن يا اخواتي .منولة مواضيع هذا القسم برعاية
الافوكاتو منال الافوكاتو منال 190565_1.gif ممنوعة من المشاركة Fatakat 190565 cairo – egept
سبحان الله و بحمده