السلام عليكم و رحمة الله و بركاته ^^
انا حلمت انى كنت فى بيت قريبتنا – انا بروح هناك كتير اوى و حلمت كدا و انا هناك-
و فى مكالمة جاتلى من رقم حد معايا فى الكلية معرفوش كويس خالص بس كان فى بينا شغل مرة بس قبل كده و رقمه عندى للسبب ده
رديت لقيت واحد بيقولى انه اخوه الصغير و بيقولى اروح مكان , رحت انا قلت لاتنين من قرايبى 0بنت خالتى و مرات خالى – قلتلهم مين اللى بيتكلم
رحت المكان لقيت زى قلعة او قصر كبير و دخلنى حارس قصير ااوى و قالى تعالى ورايا و فضلنا ماشيين فى ممر طويل و شبه القصور و بعدين فتح باب حجمه عادى زى باب الشقة بصيت جوه لقيت طيور بتطلع صوت بس شكلها حزينة و الدنيا ضلمة جوه بس باين ان الطيور بيضا
رحت بصيت عالحارسس , حسيت من نظراته انه مش شايف اللى انا شايفاه او مش شايف اد ايه المكان وحش فقلتله مش عايزة ادخل هنا
قالى ماشى و كملنا مشى فى الممر و احنا ماشيين شفت باب كبير شبه البوابة بدرفتين , على جنب الممر برضو فقلت للحارس انا عايزة ادخل ده , فالى ماشى و فتحه لقيته بيخرج م القصر و مفتوح على سهول خضرا و جنايين كبييييييييرة و جميلة و قدام الباب كان فى طيور بيضا كتيييرة رحت انا دخلت فى وسطهم و هما عماليت يطيروا حواليا راح جه من بعيد طائر كبيير مش فاكرة لونه بس هو اعتقد كان فيه ابيض على رمادى فاتح , و ركبت فوقيه و طار بيا و الطيور البيضا بتطير معانا و فضل يلف بيا و انا كنت فرحانة و فى الاخر نزلنى فى سهل من السهول دى
الحالة الدينية ليا :انا بعيدة عن ربنا شوية بقالى مدة : ربنا يهدينى بس علطول بحاول انى ادرس علوم شرعية و انى اقرب تانى و عندى 20 سنة
الاشخاص اللى كانوا معايا بنت خالتى الحالة الدينية كويسة الحمد لله 21 سنة انسه , مرات خالى الحالة الدينية متوسطة
Merida Merida 777449_4.gif فتكات رائعة Fatakat 777449 القاهرة – مصـــــــ ام الدنيا ـــــــــر