السلام عليكم فتوكاتي
النهاردة هحكيلكم عن افتكاسة طعمية رومي
رومي يعني انا
المكونات :
2 بيضة بملحهم وفلفلهم
2 كوب فاصوليا حمراء مستوية سواء مسلوقة او معلبة – مغسولة بضمير
2 حبات كوسة مبشورة
خضار طازج مقطع عبارة عن بصلتين خضر – بقدونس – فلفلة خضراء
التوابل بقي ربع ملعقة شاي من : نعناع ناشف- كزبرة ناشفة – ثوم باودر – بيكنج باودر – كمون
الطريقة:
في الكبة ننزل بالفاصوليا والخضار المقطع و التوابل
مش هنحط البيض عشان منزفرهاش
ومش هنحط الكوسة عشان الماية بتعتها متنزلش وتسيح العجينة
وبعد ما تختلط المكونات كلها نضيف الكوسة و البيض وتبقي شكلها كده
دلوقتي لحظة المنعطف التاريخي حيث بالملعقة بتاعة الاكل الكبيرة هناخد من العجينة نص معلقة مليانة ونزقها بصباعنا
وننزل في الزيت الغزير السخن براحة كده
طبعا نراعي اننا نحط الطعميات سوا عشان تستوي سوا وناخد بالمعلقة كميات متساوية عشان تبقي حجم واحد وننزل بيها في الزيت براحة عشان تبقي منتظمة في الشكل
بس سيبك انتي المهم الاخلاق
بعد ما تحمر نطلعها علي ورق زبدة او مناديل مطبخ عشان نصفي الزيت
ونحطها في العيش ونجملها بالخضار
و صحتين وهنا
مواضيع هذا القسم برعاية
رومي المسلمة رومي المسلمة 223208_3.gif ممنوعة من المشاركة Fatakat 223208 القاهرة – مصر