جيبالكم النهارده طريقه عمل الحلبسه او حمص الشام وتعتبر هذه الاكله من الاكلات المشهوره وخاصه عند المصريين يالا شوفوا طريقه عمل حمص الشام بطريقه سهله وبسيطه جدا وغير مكلفه يارب تعجبكم
المكونات:-
1/2 كيلو حمص الشام من عند محل البقاله
حبه 3 طماطم حمراء جدا بس طريه مش ناشفه
ليمون
ملح
كمون
شطة
5 فصوص توم كبيره
حبه بصله صغيره
طريقه التحضير:-
جيبى حمص الشام ونقيه واغسليه كويس جدا وانقعيه فى الميه مده طويله يعنى مثلا من بالليل للصبح او من الصبح لبالليل بعد ما اتنقع خلاص كلى واحده وحسيتيها طريه طيب كده تمام تاخدى بقى الحمص بميه النقع بتاعته تنقليها فى حله اكبر وتزوديها ميه وترفعيها على النار وبعد ذلك تضربى الطماطم فى الخلاط وتضيفيها وتقطعى البصله اربع قطع وتحطيها (بس ياريت ماتخليش البصله مفصوله عن بعضها يعنى اربع بس ممسوكين من تحت ) وبعدين تهرسى الثوم وتحطيه
وتحطى معلقه الكمون الكبيره كمان وبعدين تسيبيه يغلى على النار حوالى تلت ساعه تدوقيه تلاقيه استوى وطرى وتحطى الملح حسب تقديرك لحد ماتحسى ان ملحه اتظبط وبعدين تسيبيه يغلى 5 دقايق كمان وبعدين تحطى فى الكوبيات والليمون والشطه حسب الرغبه بس لكل فرد فى كوبايته
بالهنا والشفا
منقوووول مواضيع هذا القسم برعاية
elomr lahza elomr lahza images/avatars/mouse.jpg ممنوعة من المشاركة Fatakat 1125612 الجيزه – مصر