السلام عليكم ورحمه الله وبركاته
ازيكو يا فتوكات وكل سنه وانتو طيبين
رمضان قرب يخلص والعيد قرب
وطبعا بمناسبه العيد بنعمل حاجات حلوه كتير جايبلكو النهارده طريقه عمل البيتي فور
اولا:المقادير
نصف كليلو زبده صفرا
200 جرام سكر بودره
3بيضات
ملعقه فانيليا
625جم دقيق
للتزيين
كوب شيكولاطه بيضا وكوب شيكولاطه سودا وكوب جوز الهند
انتي وراحتك بقي اللي تحبي تزيني بيه
ثانيا:الطريقه
اول حاجه نضرب السكر مع الزبده الصفار كويس لحد ما يبقي عامل زي القشطه كده
وبعدين نحط الفانيليا عليه ونقلبه كويس
وبعدين نجيب البيض ونحطه عليه واحده واحده ونقلبه كويس جدا
وبعدين نحط الدقيق علي العجينه اللي طلعت دي ونقلبه كويس
وبعدين نجيب مكنه البيتي فور ونعمل منها اشكال وندخلها الفرن ومنخليش الفرن عالي اوي
وبعد لما تطلع من الفرن نقوم بالتزين بقي
وكل واحده هي تفنن بقي فيها في التزين دي
ملحوظه يا جماعه
ياريت وانتو بتحطو البيض نجيب طبقي الاول ونكسر فيه البيضه الاول وبعدين نحطها علي العجين واحده بواحده
علشان لو كانت البيضه فيها حاجه متبوظش اللي عملته
وكمان متحطوش البيضه التانيه الا بعد ما البيضه الاولانيه متلاقيش ليها اي اثر
وبالهنا والشفا وكل سنه وانتو طيبين
متنسوش بقي التقييم لوسمحتوويارب يعجبكو
انا عملتها وكانت جميله كنت واخدها عن طريقه الشيف يسري
مواضيع هذا القسم برعاية
م ش شوشو م ش شوشو 1001463_10.gif سوبر فتكات Fatakat 1001463 في مكه المكرمه – السعوديه