انا جيبلكم طريقه مكرونه
ماما بتعملها بس جاااامده اوى الصراحه كانت موجوده فى كتاب للطهى عندنا وكنا عاوزين نجدد وجربنها بس طلعت حلوه اوووووووووووى وتجديد
المقادير
1-نص كيلو مكرونه
2-نص معلقه مسطرده +ملح+فلفل ابيض
3-كوبيتين صلصله بيضاء بس خفيفه
4-3 معالق جبنه رومى مبشوره
5-معلقه كبيره بصل مبشور
6-نص فنجان زيتون اخضر مخلل بس نشيل النوى
7-معلقه سمن لتحمير الوش
8-معلقتين بقسماط
9-فلفل اخضر متقطع رفيع
الطريقه
1-نسلق الكرونه ونصفيها ونشطفها بميه بارده ونصفيها
2-نجيب صلصله البيضاء بس تكون خفيفه ونحط البصل والمستره والجنبه الرومى المبشوره بس نسيب شويه من الجبنه للوشوالزيتون الاخضر والفلفل الاخضر
3-نحط المكرونه فى الخلطه الى فاتت ونتبلها بالملح والفلفل الابيض
4-نحط المكرونه فى صينيه الفرن بس مدهونه بالسمنه ونرش وش الصينيه بالجنبه الباقيه والبقسماط ونوزع حته سمنه على الوش
5-نسخن الفرن وندخلها لمده تلت اونص ساعه لحد اما الوش يتحمر
والف هنا وصحه ليكم الى عاوزه طريقه صلصله البيضاء تقولى واسال ماما
الصلصه البيضا
المكونات1-معلقيتن كبار سمنه 2- معلقتين كبار دقيق 3- كوبايه لبن 4- ملح وفلفل
الطريقه1-نحط السمنه على النار لحد اماتسيح ونشيلها من النار ونحط عليها الدقيق ونحركه كويس بالمعلقه
2-نحط الحله على النارتانى ونفضل نقلب لمده 5 دقايق لحد اما الدقيق لونه يصفر وبعدين نشيله تانى من النار ونضيف عليه البن بعد غليه دفعه واحده مع التقليب علشان متكلكعش
3-نحط الحله تانى على النار هدايه مع التقليب لحد اما نحس انها تقلت والدقيق راح فيها وده لمده 10 دقايق اوربع ساعه وبعدين نحط الملح والفلفل
لو هنخففها ياجماعه منسيبهاش على النار كتير لحد اما تتقل ياعنى نشيلها وهيه لسه خفيفه
والصلصه البيضا دى ممكن نستخدمها فى اللحوم والطيور هيه بتشبه البشاميل مواضيع هذا القسم برعاية
smile cat smile cat 92118_1.gif فتكات هايلة Fatakat 92118 فى بلاد الله – مصر