السلام عليكم ورحمة الله وبركاتة
دي طريقتي في تفريز معظم اكل الاسبوع عشان يكون جاهز علي التسوية
والطريقة دي مريحة جدااا وخصوصا للبيشتغلوا
الصنف الاول الكانيولوني
بعملها وافرزها واسيبها في الفريزر وتتطلع علي التسوية مباشرة
https://fatakat.univanet.com/#3750303
ده لينك للطريقة عمل الكانيولوني بالتفصيل
الصنف الثاني
صينية الفراخ في الفرن
بغسل الفرخة كويس اووي
واتبلها وادخلها الفريزير وتطلع علي التسوية مباشرة
الصنف الثالث
صينية السمك ومعاها سمك مقلي
جبت السمك وغسلته نضفته كويس
وتبلته وقسمته جزءين جزء قلي
والجزء التاني هعمله صينية
وبكدة هطلعهم عالطول الصينية تدخل الفرن وهقلي السمك واعمل الرز وخلاص
الصينية طريقتها بسيطة جدااا
بقطع الخضار في الصينية بصل وفلفل وطماطم وجزر
وارص السمك المتبل وفوقيه طبقة تانية خضار واحط التوابل ملح وفلفل وكمون
وفصين توم
وده شكلها النهائي
واشيلها كدة في الفريزير
واول مطلعها بعصر عليها ليمون واحط شوية زيت وربع فنجان مية وتدخل الفرن
الصنف الرابع الحمام المحشي
بحشية واطلعه اسلقة واعمل جنبة ملوخية وسلطة وخلاص
ودي طريقة حشو الحمام
بغسل الحمام كويس
بقطع كبد وقوانص عندي في الفريزير قطع صغيرة
بقطع بصلة واسيبها تحمر شوية في زيت زرة
واضيف عليها الكبد والقوانص
واسيبها لحد ملونها يغمق وكل شوية اقلبها
اضيف الرز المغسول وملقة صلصة وواحدة فلفلة خضرا وده اختياري والتوابل وربع فنجان مية
واخلي الرز نص سوا عشان هيكمل تسويته مع الحمام
ده شكل الرز الحشي بيه الحمام
.
وهنا حشيته خلاص وبدأت ادخله الفريزير خرجته اصوره وارجعه تاني مكانة اصلي كنت نسيت
الصنف الخامس
السمبوسة باللحمة
ودي بعمل جنبها بطاطس محمرة وسلطة
وبعمل العجينة بطريقة الشيف لطيفة بصراحة نتيجتها روووعة
وبعصج اللحمة واحشي العجينة وبس كدة
مطلعلكم الست وتعباها من الفريزير عشان اصورهلكم
كدة خلاويص وكتابة بقي بقيت المنيو
يوم شوربة عدس ويوم باكل عند ماما هههههههه
متنسوش بقي التقيم مش هوصيكم
وعايزة دعوة حلوة ربنا يباركلي في اولادي ويوسع رزق زوجي
استنواا
بحبكم في الله
مواضيع هذا القسم برعاية
امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _