السلام عليكم ورحمة الله وبركاتة
انا دايما بحب البساطة سواء في طرق تجهيز الاكل او حتي حفظة موتي وسمي الاكله المكلكعة
النهاردة هنزلكم كام نوع خضار وطريقة حفظهم وتفريزهم بحيث يطلعوا جاهزين علي التسوية
بس الاول نتفق
اولا عايزة كام دعوة حلوين زيكم ربنا يباركلي في اولادي ويوسع رزق زوجي
اما بقي بالنسبة للتقيم فلو عجبك الموضوع قيمي
اولا الفاصوليا الخضرا
موجودة الايام دي في السوق وكويسة وسعرها معقول حوالي 4 او 5 جنية
بتجيبيها وتشيلي الطرفين زي الصورة ما موضحة وتغسيليها كويس
وتقطعي بالشكل التحبيه وتشيليها في اكياس الثلاجة كل كيس قد طبخه
ومتقلقيش عمرها مبيحصلها حاجة وبتقعد فترة كبيرة وبتطلع كانها لسة جايباها
ثانيا الطماطم
بجيبها واغسلها كويس واقطعها وعلي الخلاط
بصفيها بعد ضربها في الخلاط
وبحطها في اكياس التلاجة كل كيس علي قد الطبخة
من غير نار ولا تسبيك ولا وجع دماغ وممكن كمان اشيلها سليمة بس بتاخد معايا مكان في الديب فريزير فعشان كدة بعصرها واصفيها واشيلها
وتفل الطاطم العصرتيه اوعي ترميه بشيله في كيس لوحدة وبعلمه بعلامة عشان اعرفة من اكياس الطاطم المتصفيه
والتفل ده بعمل بيه المحشي او الممبار بعصر علية طاطميتين تانين مع معلقتين صلصة بيبقي جميل اوووي
ثالثا الملوخية
الطريقة دي انا اتعلمتها من فتوكة هنا في المنتدي ربنا يجزيها خير
بقرطف الملوخية واغسلها غسلة محترمة
واسيبها تنشف من ميتها
واشيلها في اكياس التلاجة كل كيس يعمل طبخة
بعد ما اطلع الكيس من الفريزير بحطة في الخلاط مع كوباية شوربة
وبتبقي كانك لسة شاريها خضرا وجميلة اوووي
رابعا البسلة
حبيبت قلب اولادي
بفصصها واغسلها واشيلها في اكياس التلاجة
كل كيس علي قد الطبخة وممكن بقطع معاه الجزر بس هنا مقطعتش لان عندي كمية كبيرة من الجزر متقطعة في الفريزير
خامسا الفلفل الاحمر
بجيب الفلفل واضربه في الكبة لحد ميتطحن خالص واشيله في الاكياس
بستخدمة في حشو الاسماك والمخللات
وساعت اضيفه في برطمان وعلية ثوم مفروم واستخدمة في حجات كتير
سادسا الكرفس
انا من عشاق الكرفس وبدخله في كل الشوربات ومعظم اكلاتي كمان
لكن مش بنزل السوق الا مرة واحدة في الاسبوع عشان الاولاد
فطبعا لما بجيب كمية بيبوظ
فبغسلة غسلة محترمة واقطعة واشيله في اكياس
وبعمل كدة في الخضرة كمان
اعذروني لو الصور مش واضحة اوووي لان كاميرا الموبيل فيها مشكلة
وان شاء الله المرة الجاية انزلكم انواع تانية من الخضار المفرز لو عجبتكم الطريقة بتاعتي
سلاااااااااااااااااااااااام يا قمرات
ومتنسوش الدعوات الحلوة مواضيع هذا القسم برعاية
امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _