صباح الخير علي الفتوكات الجميلات
طريقة تحفه لعمل طبق مكرونه دايت يجنن سعراته الحرارية قليله وطعمة جنان ومفيد اوي اوي للناس النباتيين
وعايزة اقولكم اما باعمله في البيت كل الاسرة بتسيب اكلهم العادي وتاكل منه وخدي الطريقة وادعيلي
المقادير
كوبايه مكرونه مسلوقه ومشطوفه كويس بالماء
نص كوب مشروم معلب وطبعا مغسول كويس علشان نسبة الملح اللي معلب فيها
فلفلايه خضرا
طمطماية مكعبات
5 حبات زتون اسود مقطع
فص توم مهروس وبصلايه صغنونه مفرومه ناعم
رشه زعتر ورشه ريحان (والريحان اختياري)
الطريقة
نحط معلقة شاي زيت في طاسه تيفال وماتكتريش زيت
نحط البصلايه لغايه ماتبئة شفافه اللون وعليها فص التوم لغايه ما تطلع ريحته
حطي الفلفل والمشروم وكل دا وانتي بتشوحي علي النار لغايه ما البصله تاخد لون هي والتوم وبعدين الطماطم والزيتون ووطي النار خالص لغايه ما الطماطم والفلفل تستوي وممكن تحطي ربع كوبايه ميه وتعمل صوص سميك تحفه وطبعا ماتنسيش الملح
وفي الاخر خالص رشه الزعتر والريحان وممكن بقدونس وتقلبي عليهم المكرونه وبالهنا والشفا مواضيع هذا القسم برعاية
سويتي سويتي 1592_1.gif فتكات حبوبة Fatakat 1592 القاهرة – مصر حبيبتي