السلام عليكم ورحمة الله وبركاته
وصباح الخيرات على احلى البنات
هنعمل قوارب البطاطس بطريقه سهله وشهيه علشان اولادك هيحبوها ويطلبوها ان شاء الله
بصى ياقمرايه منك ليها انا جبت البطاطس الكبيرة وقسمتها نصفين بالطول وبعدين فرغت اللى جواها بالملعقه علشان تطلع حتت واحمرها واحطها فى الصينيه من تحت
خلاص خلصت تقشير وتقطيع وتفريغ
ننقعها شويه فى مايه وملح لغاية لما اعمل الحشو
اللى هو عبارة عن عصاج لحمه واقطع عليه طماطمتين وفلفلتين وزيتون مخلى وابشر عليه جبن شيدر واقلب كل ده مع بعضه ونسيبه شويه هنعمل كمان بشاميل بس هيكون خفيف شويه نيجى بقى للبطاطس نحمرها لما يبقى لونها دهبى وبعدين نحشيها بخليط العصاج زى كده
وبعدين نحط فوقها البشاميل زى كده
وبعدين تدخليها الفرن الساخن لمدة ربع ساعه بس الرف اللى فوق علشان تاخد لون
بس للأسف ملحقتش اصورها بحالها علشان خطفوها وجريوا
والقطع الصغيرة دى هى اللى كانت فى قلبها وانا حمرتها ورصيتها فى الصينيه من تحت البطاطس
———————–
نيجى بقى للبروتينعملت صينية الفراخ بالخلطه السحريه والله طعمها خرااااااااااافه
هنجيب الفراخ وطبعا ننظفها كويس جدا ونسيبها شويه فى ماء وخل ودقيق لغاية لما نجهز الخلطه بتاعتها
نجيب بصلتين كبار نفرمهم ناعم وندعكهم بالفلفل والملح ونعصر حوالى نصف كيلو طماطم ونحطه على البصل ونحط معاهه كارى وزعتر وبهارات ونقلب كل الخليط ده مع بعضه وبعدين نفرش بيه شويه بالصينيه ونصفى الفراخ ونرصها عليه وبعدين نحط باقى الخليط كله عليها وعلى الفرن لغاية لما تستوى ويلا نشوف الصور هتوضح اكتر
ها ايه رأيكم بجد طعمهم جناااااااااااان عاوزة الردود تنزل عليه زي المطر واللى مش هتقيم هطلعلها ال
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده