دى طريقتى يا فتوكه فى القلقاس ومن غير سلق لانى مش بحبه بالسلق خالص ومن غير رغى خدى عندك يا قمر كيلو قلقاسنص راس توم3ربطات كسبره طبعا بنغسل القلقاس كويس بالميه سخنه اوى يدوبك تقدرى تستحمليها وبنكرر عسله كذا مره علشان الظفاليط بتاعته وبنضف الكسبره ونخرطها ونقشر الثوم وبعد كده بنرفع الكسبره على النار ونحط معلقتين سمنه كبار ونبتدى نحمر الكسبره واحنا بنحمر الكسبره ندق التوم وبعد ما الكسبره تتحمر نحط التوم ونقلب زى كدا هنحمر التومه مع الخضره يا فتوكه ولما التومه تتحمر ونحس ان الكسبره قرمشت هنرفعها من على النار هنرفع من على النار ونجيب ايد الهون وندق الخضره كويس اوى لغاية ما تنعم ونلقيها نعمه وحلوه زى كدا بعد كدا يا فتاتيك هنضيف القلقاس ونحطهم على النار تانى ونقلب القلقاس مع الخلطه زى كدا هنقلب تقلبتين كدا ونضيف الشوربه ونسبها تغلى علشان تستوى ولما تحتاج شوربه نحط تانى لغاية ما نلقيها انقسمت بالمعلقه تبقى كدا استوت كدا يا فتوكات القلقاس استوى واسبكوا بقه علشان افترسلى طبقين ولا حاجه لانى كان نفسى فيه من زمان اه نسيت اقولكوا فى حفظ الله وكل سنه وانتوا طيبين متنسوش تقيموا الموضوع لو عجبكوا مواضيع هذا القسم برعاية
قطرات الندى / نادية قطرات الندى / نادية 593909_12.gif سوبر فتكات Fatakat 593909 القاهرة – مصر