انهاردة ان شاء الله هقولكم على طريقتى فى عمل الجمبرى المقلى هو على ادى بس اهو يمكن حد يستفاد والله بيطلع كرسبى وجميل زى برا اولا نبدا المقاديرنص كيلو جمبرى مغسول كويس ومتنضف2ملح وفلفل3و كمون نص كوب بقسماط 4طحينة و5طماطم وخيار وفلافلة6ليمونتين 7معلقة كبيرة ثوم مفروم8 بطاطس مقطع مكعبات9 بقدونس طازة نبداء الطريقة نجيب الثوم ونحطه على الجمبرى ونحط عليهم رشة الملح والفلفل والكمون ونعصر عليهم ليمونتين ونقلب الحاجات كلها مع بعض كويس اوى ونسيبهم ياخدوا ويدوا مع نفسهم ييجى كده ساعة بس يكونوا متغطييين ومحطوطين فىلتلاجة وغطيناهم علشان ميعملوش ريحة زفارة فى التلاجةوبعدين نبدا فى طبق البقسماط نحط شويه جمبرى صغيرين ونقلبهم كويس فى البقسماط وبعدين ننفضهم من الزيادات من البقسماط وفى زيت سخن نحطهم فيه ومنقلبهمش اول منحطهم لحد ما البقسماط ما يمسك فيه الاول وبعدين اللى نطلعه نحطه على مناديل ورق علشان تتشرب الزيت منهوبعدين نجيب البطاطس نحمرها فى الزيت ونطلعها على مناديل بردوا هو انا بحب البطاطس المحمرة صوابع بس ولادى بيحبوا المكعبات وبعدين نعمل الطحينة نحط عليها شوية ميه صغيرين وعصرة ليمون ورشة ملح وكمون ونقطة خل ونضربهم كويس لحد ما تتقل وتبقى متماسكةوبعدين هنقطع السلطة ونجمع الاكلة واتفضلوا على اد حالىوصورة تانية وكده اكون خلصت الاكلة صحيح هى اكلة بسيطة بس يمكن حد يستفاد بس عاوزة منكم تدعوا لاخواتنا الفتوكات اللى اتحرمنا منهم الكام شهر الاخار واللى على بالى منهم دلوقتى فتافيت السكر او سارة والعضوة دودى وبس او دينا والعضوة مغتربة مخنوقة ويارب يرحمهم ويجمعنا عليهم فى الجنة ان شاء الله
مواضيع هذا القسم برعاية
الباتول ا لجميلة الباتول ا لجميلة 782942_1.gif فتكات نشيطة Fatakat 782942 البيت اللى فيه ولادى – مصر
سبحان الله و بحمده