السلام عليكم يا أحلى فتوكات
دي طريقة للمكرونه بالصلصة من اختراعى والمكرونة عمرها ما تعجن خاااااالص
المقادير :
بصلة مبشوره
صلصة
3 كوب مكرونة (أو الكمية اللى انتى عاوزاها)
زيت
ملح
فلفل اسود
الطريقة :
تجيبي حله تيفال وتحمرى فيها البصلة المبشورة في الزيت على عين البوتاجاز المتوسطة
وبعدين تحطى المكرونة (3 كوب مثلا) وتشوحيها خفيف هتلاقى لونها بقى أبيض بس مش لازم كلها تبيض
وتحطى عليها الصلصة و 3 ونصف كوب ماء والملح والفلفل الأسود وتسيبيها لغايةما تغلى دقيقة وتوطى النار هى هتغلى والنار واطية 3 دقايق كده وتروحى معليه النار دقيقة تانى
وتروحى ناقلاها على العين الصغيرة وموطية النار خالص وحاطة الشياطة تحتها زى الرز بالضبط
هتاخد حوالى نص ساعة أو ساعة إلا ربع وتكون استوت
ياريت يافتوكات تجربوها وتقولولى رأيكم
ومتنسوش التقييم
مواضيع هذا القسم برعاية
رمانة المدونة رمانة المدونة 555423_2.gif فتكات رائعة Fatakat 555423 الاسكندرية – مصر