السلام عليكم يا احلى فتوكات
مش عايزة اقولكم وحشتونى اد ايه
اصل النت قعد مقطوع عندى اسبوع لما بقيت هجنن
المهم بقى عرفت طريقة للتخلص من الدهون
الموجودة فى البطن ولارداف وكل الجسم
وللأمانة انا لسه ما جربتهاش
بس انا واحدة صحبتى ماشية عليها وانا هبدأها اول لما الاقيه
طبعا عايزين تعرفوا هوه ايه؟؟
رخمة انا صح
هو ……
الترمس المصرى بتاعنا المر
ايوه الترمس ما تستغربيش
وبكرر تانى المر مش الاجنبى
الطريقة بقى يا قمرات
انك تبلبعى 5 حبات ناشفين من الترمس بكوباية او اتنين مايه
وبصراحة انا صحبتى قالتلى علشان تبقى سنة خدى 7 حبات
والكلام ده على الريق بس تفطرى بعدها بساعتين
وعلى فكرة انا قبل ما اقولكوا على الطريقة عملت سيرش
لقيت ان فعلا الترمس مفيد جدا لتنحيف الجسم
ولقيت طريقة تانية انك تاخديه قبل النوم مباشرة
فشوفى بقى الطريقى اللى تريحك واستعمليها
وربنا يسهل ان شاء الله ونخس ونوصل للجسم اللى احنا عايزينه
ومستنيه منكوا بس دعوة حلوة مش اكتر
MARIOMA_BALA MARIOMA_BALA images/avatars/whiteflower.jpg فتكات رائعة Fatakat 193680 المحلة الكبرى – مصر