السلام عليكم ورحمة الله وبركاته النهاردة كنت محتارة اعمل اكل ايه ؟؟؟ بعدين قررت اعمل مكرونة بشاميل وقلت اوريكم الطريقة وهى عمل مكرونه بشاميل بالكبد والقوانص طريقه جديده خالص وتحفه جدا
طريقه سهله خالص وبسيطه جدا اول حاجه
المقادير
نصف كيلو كبد وقوانص
كيس ونصف مكرونه قلم
2 بصله مفرومه
اقل من نصف كيلو طماطم
فلفل اسود وكمون وبهارات وملح
معلقة سمن
بيضه
لعمل البشاميل نصف كيلو لبن
كيس بشاميل من السوبر ماركت
طريقة التحضير
أول حاجه نسلق المكرونه وبعدين نقطع الكبد والقوانص الى قطع صغيره ونضع الكبد والقوانص وعليها البصل المفروم وملح وفلفل اسود وكمون الكميه حسب الرغبه وعليهم معلقة سمنه ويوضع على النار حتى النضج .
فى اناء اخر نضرب الطماطم فى الخلاط ونضعها على النار مع وضع الفلفل الاسود حسب الرغبه ونسبكها كويس .
بعد كده نضع الكبد والقوانص على الطماطم المتسبكه وناخدهم غلوه على النار مع بعض
وبعدين نعمل البشاميل زى المدون على الكيس من الخارج
وبعدين نضع نصف البشاميل على المكرونه المسلوقه ونقلبها جيدا وبعدين نضع نصف المكرونه فى صنيه متوسطة الحجم ونوضع عليها الكبد والقوانص وبعدين نصف المكرونه الباقى وبعدين نضع باقى البشاميل على الوجه ثم ندهن الوجه بالبيضه ونضعها فى الفرن ونتابعها وبالهنا والشفا يارب تعجبكم مواضيع هذا القسم برعاية
اعلى نجم فى السما اعلى نجم فى السما images/avatars/moon.jpg فتكات نشيطة Fatakat 392406 الفيوم – مصر
سبحان الله و بحمده