السلام عليكم يابنات
مبدئيا كده مركز تحميل الصور واقع عندى والمدونة كله عندى مهيس خالص ولارسايل ولااقتباس كل شويه يقف
يلا نبدأ دى طريقه عملت بيها المكرونه تغيير وطلعت حلوة وكان نفسى انزل الصور انا قولت اكتبهالكم كنوع من التغيير
المقادير
ا كيس مكرونه اسباجتى انا عملتها روجينا
نص كبلو لحمه مفرومه عصجتها واخدت منها احتياجى وشيلت الباقى فى الفريزر
جزرة مبشورة بصل فصين توم مفروم فلفل اخضر رومى
زيتون اخضر مخلى انا كان عندى وخليته من البذر
ملح * فلفل * كمون * بهارات لحمه * بهارات عاديه * رشه قرفه * رشة جنزبيل *
عودين بقدونس للتزيين
صلصه واللى تحبها بالطماطم حسب الرغبه
*الطريقه *
هنسلق كيس المكرونه ونركنها
** هنعصج اللحمه كالاتى **
* نفرم البصل فى الكبه ونشوح البصل مع حتة زبده لحد ماتحمر بس مش قوى
نضيف فلفل اخضر مفروم طبعا ونشوح تقليبتين ونضيف الجزر المبشور وتقليبتين
نضيف التوابل ملح وفلفل وكمون ورشة قرفه ورشه جنزبيل وبهارات لحمه وبهارات عاديه
ونحط اللحمه المفررومه وتغلى ايدك فى التقليب كويس قوى وتوطى انار عليها انا بحط فنجان ميه
واوطى النار ومع نفسها لحد ماتستوى
اعمل الصلصه عادى انا حطيت معاها فصين توم مهروس
خلصت اللحمه والمكرونه والصلصه اخدت من المفروم وحطيت على الصلصه وسقطت المكرونه
وقلبتهم مع بعض حلو قوى قوى قوى
اهم حاجه يابنات علشان المكرونه تطلع حلوة
بعد ماتسقطيها على الصلصله سيبيها تتشرب الصلصه اطفى النار وغطى عليها
5 دقايق قبل الغرف هتلاقيها تحفه
* التقديم*
غرفت المكرونه فى الطبق وزينته بطرنشات خيار وعلى الوش فلفل اخضر ورشه بقدونس
والف هنا وشفا عليكم ويارب الوصفه تعجبكم
ومش هوصيكو التقييم يابنات
مواضيع هذا القسم برعاية
*البتولة* *البتولة* 523313_42.gif ممنوعة من المشاركة Fatakat 523313 ارض الله كلها للمسلمين ميفصلش بينا غير الحدود والمسميات – عايشه فى حضن بناتى وزوجى