انا هشرحلكم طريقة عمل الزبادي اخذتها من واحد شغال في محل البان اولا : المقادير 1- كيلو لبن 2- معلقتين كبار زبادي ( يكون موجود بالثلاجة لمدة يوم ) 3- بخاخة مكواة ( انا مبهزرش ) الطريقة : 1- هتغلى اللبن كويس جدا و قلبيه و انت بتغليه علشان يتخلله الهواه 2- بعد ما يغلي مباشرة هتجيبي 8 كوبايات او سو يفضل اطباق تقديم المهلبية علشان فتحتها عريضة و تنشفيهم كويس لو فيهم ميه 3- هتصبي اللبن في الاطباق بعد ما يغلي مباشرة بص طريقة الصب دي مهمة علشان يعمل وش قشطة زي المحلات هتصبي من اعلى زي لما تصبي العرقسوس فهيعمل رغاوي هتخليه يعمل قشطة 3- هتوزعي اللبن بالتساوي على الاطباق و طبعا الاطباق كلها تكون محطوطة على صنية لتسهيل الحركة 4- اتركي اللبن الموجود في الكوبايات ليبرد قليلا يكون دافئ 5- في اثناء ترك اللبن لما يبرد هتجيبي معلقتين الزبادي الموجودين بالثلاجة و هتحطيهم في كوباية و هتفرقيهم بمعلقة كويس جدا و تضيفي عليهم ربع كوباية مياه و تقلبيهم كويس جدا لغاية لما متلقيش كلاكيع زبادة في المياه 5- هتجيبي الخليط السابق ( المياه مع الزبادي ) و تحطيه في بخاخ المكواه 6- هتظبطي فتحة بخاخ المكواة على السرسوب ( عامل زي مسدس المياه ) القوي مش البخاخ 7- لما اللبن يبقى دافي هتلاقيه عمل وش خفيف في الكوبايات هتيجي في جنب الطبق اللي فيه اللبن الدافي هتبخي بختين من بخاخ المكواة اللي احنا جهزناه طبعا البخاخ هيخرم خرم صغير في وش اللبن و مش هيبوظوه 8- هنشغل فرن البوتجاز لمدة عشر دقائق و بعدين نطفيه و نحط صنية اللي فيها كوبيات اللبن داخل البوتجاز و نحط معاهم صنية فيها مياه مغلية علشان الفرن يفضل دافي و نقفل الفرن و نسيب الزبادي لمدة 5 ساعات تقريبا 9- بعد الخمس ساعات هتلاقيه جمد اذا مكنش ممكن تسبيه ساعة كمان في الفرن 10- تنقلي الزبادي بسرعة للثلاجة و تسبيه لمدة ساعتين و هتكلي احسن زبادي بوش قشطة تحفة الطريقة قد تبدو مكلكعة شوية لكن و الله سهلة و انا جربتها و طلع تحفة مواضيع هذا القسم برعاية ام مازن ايمن ام مازن ايمن فتكات جديدة Fatakat 872086 القاهرة – مصر
