السلام عليكم يا فتوكات
انا لسه عروسه جديده بس اتعلمت منكم كتييييييير اوى والله
والنهاردة جايبالكم طريقة اللحم الروستو بس بجد خطييييييييييييييييييييييرة ..
نبدأ بسم الله :-
المكونات ( عرق تلبيانكو – بصله كبيره
– 2 ثمرة طماطم – ثوم فصوص )
الطريقة :
اولا بتجيبى عرق التلبيانكو وتعملى فيه شقوق بالسكين وتقطعى كل فص ثوم الى جزئين بالطول وندخل جزء فى كل شق فى العرق ، وبعدين بنتبله بملح وفلفل اسمر وبهارات .
بعد كده بنلفه بالخيط كويس اوى ونسيبه 10 دقايق نكون قطعنا البصل والطماطم وكمان فصين ثوم الى مكعبات
وبعدين نجيب طاسه او حلة او صينية ونحط فيها معلقتين سمنه او زبده ، ونحط العرق يتحمر من جميع الجهات بس خدى بالك ومتسهيش عنه ، وبعدين نحط باقى المكونات ونهدى النار عالاخر ونغطى الحلة طبعا وهتلاقيهم نزلوا مايتهم .. بعدها بحوالى 10 دقايق كده تضيفى نص كوب ماء وتسيبيها حوالى ساعة عالنار ..
وبعد كده تطفى عليها وتطلعيها تبرد وتفكى الخيط وتتقطع شرايح رفيعه ، ومتنسيش ترشى الصوص عليها ..
بجـــــــــــــد رائعه رائعه رائعه..
متنسوووووووش التقييم بالله عليكم ده اول موضوع ليا على المدونة وادعولى ربنا يقومنى بالسلامه ويباركلى فى زوجى وذريتى يااااااااااارب
مواضيع هذا القسم برعاية
dodo_baby1010 dodo_baby1010 فتكات نشيطة Fatakat 720994 الاسكندرية – مصر
سبحان الله و بحمده