السلام عليكم يافتوكاتى هاقولكم طريقة عمل الكوارع
نجيب الكوارع متنضفه ومتقطعه من عند الجزار جاهزة واحنا فى البيت هانعيد عليها تانى وننضفها بماكينة الحلاقة الرجالى دى معلومه انا قريتها هنا وفعلا حلوة جدا وموفره فى الوقت وبتنضف كويس جدا ومش هاتلاقى فيها ولا شعراية وبعد كده تنضفيها بالدقيق والملح وتشطفيها وتنقعيها فى ماء وخل وانتى بتعملى ده كله تكونى حاطه على النار حله مياة وتغليها وتحطى فيها الكوارع تاخد يادوب غلوة وتنزلى الكوارع فى المصفا وتشطفيها عشان المياة دى بتبقى فيها ريم كتير وبعد كده تجيبى حلة وتحطى فيها مياه وبصله مقطعه 4 قطع ومعاها ورق لورى وحبهان وحبه قرفة صغننين وزنجبيل وبهارات لحمة وملح وعصرة ليمونة واول ماتغلى تحطى فيها الكوارع وتسيبيها لحد ماتستوى كويس وزوديها مياه كل ماتحتاج لحد ماتستوى وبعد كده تجيبى ح3 فصوص تو م وتشوحيهم فى حبه زيت وتطشيهم عليها (معلش نسيت الخطوة المهمة دى)و اشربى احلى شوربة كوارع ريحة البهارات فيها بتخلليها جامده جدا وكمان مفيدة وطبعا معاها الفتة بالصلصة والتوم والخل.
وبالهنا والشفا
مواضيع هذا القسم برعاية
GESSY mohamed GESSY mohamed 272780_2.gif فتكات نشيطة Fatakat 272780 القاهره – مصر
سبحان الله و بحمده