السلام عليكم و رحمة الله و بركاته
إزيكو يا أحلى فتوكات فى الدنيا كلها طبعا دى أول مرة أكتب حاجة فى القسم ده و بالذات إنى كنت مش بدخل المطبخ كتييييييييييير أو عشان الأمانة مكنش بدخل خالص لحد ما أتجوزت و ساعة الأمتحان يكرم المرء أو يهان
إهى إهى و كانت المفأجاة فشششششششششششششل زريع
لحد ما قررت أعلن الثورة على نفسى و قررت إنى لأزم أبقى شطورة و إلا هتكون فضيحة بجلاجل
طبعا و عشان جوزى حبيبى ميتريقش عليا قررت أعمل عمل إجرامى و هو إنى كل أما أتعزم عند أمى لأزم أجرب أكله جديدة و أعملها بإيدى لو طلعت حلوة أخدها البيت لو وحشة يا إما يأكلوها أو ابعتها لطنط جارتنا و أهو رزق الفراخ
معلش طولت عليكوا ندخل بقى على طريقة الكريب و بصراحة أنا أخدتها من مدونة تانى و جربتها و طلعت تحفة
نسمى كده و هبطل رغى كتيييييييييييييير 
أولا المقادير
عدد 2 بيضة
عدد 1 كوب لبن
عدد 2 معلقة زيت
عدد 1 كوب دقيق
ربع معلقة ملح
بسطرمة و زيتون مخلى و جبنة رومى مبشورة ( أو أى حشو أخر على حسب الرغبة )
الطريقة
أولا بنقوم بنخل الدقيق و الملح ثم نقوم بإضافة البيضتين عليها و نصف كوباية اللبن
بعد كده بنجيب مضرب البيض و نضرب الخليط حتى تكون العجينة ناعمة اوى
بعد كده بنجط باقى كوب اللبن و بنضرب الخليط مرة تانية ضربا مبرحا و بعد كده بنحط معلقتين الزيت و بنضربه تانى
بعد كده بنسيب العجينة فى الهوا ساعة
بعد كده جبت طاسة تيفال أو اى مقلاية أخرى مش بيلزق العجين فيها
و نقوم بدهنها بالزيت ( دهنها فقط ) و بعد كده بنجيب الكرنيب و نأخد من الخليط و نحط فى المقلاية طبعا بنشيل المقلاية من على النار و نحركها حركات لولبية حتى تأخد شكل الطاسة
و بنسيبها دقيقة لحد ما تستوى على نار هادية بعد كده قلبتها على الجنب التاى حتى تستوى أيضا
بعد كده بنطلعها على طبق مسطح و نبدا عملية الحشو
أنا حطيت فى جزء بسطرمة و جبنة رومى مبشورة و زيتون و لفتها على حسب الطريقةالتى ترغبى فيها و أنا طبعا لفيتها رول
و ف لحمة مفرومة معصجة حطيتها برده فى الكريب و حطيت عليها جبنة مبشورة و لفيتها و دى بقى أجمع الجميع أنها تحفة بفضل الله
بعد ما لفيت الكمية كلها حطيتها فى صنية و دخلتها فى الشواية دقيقة واحدة عشان تدفى و طلعتها و بجد كانت أكله تحفة
و الله حسيت إن ممكن يجى منى
دعواتكم ليا يا قمرات و ياريت كل واحدة تاخد عظة من الموضوع و تدخل المطبخ فى بيت أهلها أحسن بدل الفضايح و الكسفة اللى بتبقى فيها فى بيت جوزها ههههههههههههههه مواضيع هذا القسم برعاية
بورسعيدية و افتخر بورسعيدية و افتخر فتكات هايلة Fatakat 550010 port said – egypt