المكونات
كيلو وربع طماطم
نص كيلو لحمه مفرومه
فص ثوم كامل
كوب ونصف ارز مصحون نص ونص يعنى مش قوى
ملعقه ونصف سمنه وملح وفلفل اسود وكمون وحبه شطه حسب الرغبه
بصلتين متوسطين الحجم
الطريقه
قورى الطماطم من فوق بس متقوريهاش خالص يادوب تفتحيها للحشو وبعدين تفضيها خالص من جوا بمعلقه زى البازنجان وبعدين تخلطى اللحمه والارز والثوم المهروس والملح والفلفل والكمون والسمنه مع بعض واعجنيهم مع بعض وبعدين احشى الطماطم بس متكبسيهاش قوى وبعد ماتخلصى الحشو رصيهم فى صنية وادهنى وشهم بالسمنه ودخليهم الفرن وبعدبن قطعى البصل فى حله ورشى عليه ملح وكمون وفلفل وملعقة سمنه وحمريهم على النار واضربى قلب الطماطم اللى قورتيها فى الخلاط وبعد ما يحمر البصل ضيفى عليه عصير الطماطم وبعد ما يتسبك ضفيه على صنية الطماطم اللى فى الفرن بعد ما بعد ماتتنشف سبيها تانى فى الفرن بعد ما تضعى عليه التسبيكة لغاية ما تستوى كويس
وبالهنا والشفى قولى رأيكم
مواضيع هذا القسم برعاية
ام فاطمه 2024 ام فاطمه 2024 images/bigsmilies/mood12.gif سوبر فتكات Fatakat 138507 سوهاج – مصر
سبحان الله و بحمده