طريقة سهلة للكبسة السعودي وبتبقى ياسلام على الجمال والطعامة
انا بعمل الكبسة السعودي بطريقة سلسة والطعم يبقى جنان ودة لأني مولودة ومتربية في السعودية وبحب الأكلة دي جدا …
1 كيلو رز بسمتي مغسول
3بصلات وسط متخرطة قطع صغيرة
3 فصوص ثوم مفروم
4حبات طماطم وسط مقطعة
فلفل رومي ملون مقطع
جزرة كبيرة مبشورة
زيت وسمنة
بهارات كبسة
1 معلقة صغيرة كاري
نص ملعقة صغيرة كركم
ملح وفلفل اسود
لومي حسب الرغبة
صنوبر وزبيب حسب الرغبة
شوربة لحمة او فراخ كوب الرز = 1.5 كوب شوربة او 5.5 كوب شوربة للكيلو رز بسمتي
قرفة ناشفة واعواد قرنفل
2 معلقة كبيرة معجون صلصة طماطم
الطريقة :
تسلقي اللحمة او الفراخ زي ماتحبيي وتشيلها من الشوربة لوحدها على جنب وتكون مقسمة لقطع صغيرة
وتيجي في حلة كبيرة وتحطي الزيت والسمنة والبصل لما يبقى لونه ذهبي
تضيفي الجزر المبشور والتوم تقلبي على النار لما يدبل الجزر وتضيفي الفلفل الملون مع التقليب
وتضيفي الطماطم والصلصة والبهارات والملح والفلفل الاسود والكاري والكركم والقرفة والقرنفل (اللومي والصنوبر والزبيب حسب الرغبة ) وتقلبي
وتحطي قطع اللحمة المسلوقة والفراخ تحطيها متقسمة مسلوقة طبعا وتتقلبي تقليبة وتقفلي الغطا لحد ما تشكشك كدة والصلصة تتقل شوية صغيرة
تضيفي الرز وتقلبيه في الخلطة كويس ويتشربها بسرعة وتضيفي على طول الشوربة وتسبيها على النار لما يتشرب الشوربة حبة كدة
وبعدين انقليها على العين الصغيرة ووطي النار على الاخر لمدة نص ساعة
اغرفيها في سرفيس كبير و فيها اللحمة او الفراخ على الوش
وادعيلي ……
وممكن تقدميها مع الصلصة بتاعتها …..
الصلصة بتاعة الكبسة تقدم ساخنة او باردة حسب الرغبة
المقادير :
5 او 6 حبات طماطم كبيرة مسلوقة ومقشرة
قرن فلفل حامي ورومي
5 فصوص توم كبيرة ومفرومة
ملح وفلفل
معلقتين خل
1 كوب ماء
الطريقة :
نضرب المقادير كلها في الخلاط وبعدين نخليها تاخد غلوة على النار
وتقدم مع الكبسة (ممكن تضيفي عصير ليمون وكمون حسب الرغبة )
وبألف هنا وشفا ……………. مواضيع هذا القسم برعاية
moonlight_12 moonlight_12 598556_1.gif سوبر فتكات Fatakat 598556 القاهرة – في قلب بيتي مع جوزي وولادي