السلام عليكم يافتوكات عندى طريقة للشيش طاووق بسيطة ويارب تعجبكم
نص كيلو صدور فراخ كاملة صدور ياجماعة مش بانية
ملعقة مسطردة
ملعقة كركم
حوالى 5 فصوص ثوم
علبة زبادى
ملح وفلفل
بصل طماطم فلفل اخضر او فلفل الوان لو موجود
هنقطع الفراخ مكعبات صغيرة ونحط عليها الثوم المهروس والزبادى والكركم والمسطردة والملح والفلفل ونقلبها كويس ونسبها تتبل ساعتين ع الاقل
بعد كدة نقطع البصل والطماطم والفلفل مكعبات بنفس حجم مكعبات الفراخ تقريبا ونجيب العصايا الخشب الطويلة بتاعة الشيش طاووق بس ياجماعة قبل استعمال العصايا الخشب دى اول مرة لازم نكون ناقعنها من قبلها بساعتين فى مية دة لازم علشان لما نحطها ع النار اول مرة متتشققش وتتكسر مننا
وبعدين نحط فى العصايا قطعة فراخ وبعدها بصل وبعدها طماطم وفلفل ونسيب مسافة ونحط تانى بنفس الترتيب فراخ بصل طماطم وفلفل وبعد مانخلص هيكون فايض عندنا تتبيلة بتاعة الفراخ دى نسقى بيها الخضار اللى حطناة فى العصايا عشان ياخد من نفس الطعم
ولو عندنا شواية بالكهرباء نحط عليها العصيان دى ونقلبها باستمرار عشان متنشفش ولحد ماتاخد لون حلو لومفيش الشواية الكهربا ممكن على البوتوجاز عادى فى صينية ونقلبها برضو
وممكن لو مش عندك العصيان الخشب دى تقلبى الفراخ مع الخضار دة فى طاسة عادية لحد ما الفراخ تستوى اهم حاجة ياجماعة ناخد بالنا من السوا عشان الفراخ ماتنشفشى وبالهنا والشفا
ياريت لوعجبتكوا تقيموا وجزااكم الله خيراا مواضيع هذا القسم برعاية
بغض النظر بغض النظر 769247_1.gif فتكات رائعة Fatakat 769247 الجيزة – مصر