1: طريقة الكباب :نجيب كيلو لحمة سواء لحمة ضانى ا وعادى ونقطعة قطع متوسطة ونتبلة بالتتبيلة اللى هقولقوا عليها بس بعد ما نقول مع بعض "سبحان الله وبحمده"20 مرة علشان اللى هتقول ليها جايزه جمييييلة هقولكوا عليها فى الاخر التتبيلة عبارة عن1بصلة كبيرة مفرومة ناعم +2فص ثوم +ليمونه +ملعقة خل +ملعقة صغيرة سكر +فلفل اسمر والتوابل اللى تحبى تتضيفيها مافيش مشكلة وبعدين,,,,,,,,هقلكوا هنعمل ايه بس بعدما نقول "سبحان الله وبحمده" 20 مرة بعد كده نتبل اللحمة بالتتبيلة دى وتترك فى الثلاجة لمده لاتقل عن ساعتين وقبل ما نسويها ب5 دقائق نضع عليها الملح ونضعها فى صينية تحت شواية فرن البوتوجاز مباشرة شواية الفرن اللى فى السقف مش اللى بتلف والنار تكون هاديه لحد ما اول وجه من اللحمة ياخد لون داكن شوية وبعدين نقلبها على الوجه الثانى ومدة سواهت نصف ساعة واثناء ما تكون اللحمة بتستوى نكون حاطين قطعة فحم على النار"عين البوتوجاز" لحد ماتحمر من النار وبعد ما اللحمة تستوى نخرجها من الفرن وبعدين هقولكو هنعمل فيها ايه بس بعد ما نقول ايه؟؟؟؟؟؟؟؟ ايوه شاطرين "سبحان الله وبحمده"20 مرة نضع قطعة الفحم فى صينية اللحمة ونغطيها لمدة 5 دقائق وبالهنا والشفا
2:الفراخ المشوية بالفحم ايضا نقول الاول "سبحان الله وبحمده"كام مرة؟؟؟؟؟؟؟؟؟ ايووووووووة 20 مرة هى نفس طريقة اللحمة بس الملح بنضعه من الاول مع التتبيلة وكمان الشواية النار مابتكنش هادية اوى زى اللحمة :sFun_cheerl eader2:
3_الكفتة بس بعد ما نقول "سبحان الله وبحمده" 20 مرة بنجيب كيلو لحم مفروم+3بصلة وسط مفرم +1بيضة +ملح وفلفل وبعد كده نعملها اصابع او دوائر وتوضع فى صينية فى الفرن بس المرة دى هنشغل الفرن والشوايةمع بعض على درجة حرارة متوسطة ولو فرنك ما ينفعش يشتغلوا مع بعض ما فيش مششكلة سويها الاول فى الفرن وبعد كدة طلعيها تتحمر فى الشواية وبعد ما تستوى نضع عليها الفحم المولع وتغطى 5 دقائق ودقوا احلى كفتة مشوية :s Ani_sheep: اما عن الجايزة اللى قولتلكو عليها ان بامر الله يكون ربنا غفر لنا كل زنوبنا وزلك لقول الرسول صلى الله عليه وسلم "من قال سبحان الله وبحمده100 مرة حطت خطاياه وان كانت مثل زبد البحر" عايزه اشوف ردودكم وتشجيعكم علشان دى اول مشاركة لية مواضيع هذا القسم برعاية
ريمسه5 ريمسه5 images/flowersavatars/avatar0030.jpg سوبر فتكات Fatakat 572562 زفتى – مصر