اللحمة الباردة او الروزبيف
*********************
المقادير:
***********
عرق موزة قطعة على بعضها…حوالى 12فص توم…روزمارى..زعتر مجفف..جزر..بصل..كرفس..ملح..فلفل..زبدة..زيت…خيط دوبارة..صويا صوص..معلقة خل كبيرة..
الطريقة :
بعد ماتغسلى اللحمة بالمية..بالسكينة إغرزيها فى اللحمة ولفيها لعمل ثقب عميق حطى فيه توم متقطع وروز مارى وملح.وفلفل إستمرى فى عمل الثقوب من الجهتين للحمة…بعدها إمسحى العرق بالملح والفلفل والروزمارى من برة خفيف ..لفى العرق بالخيط الدوبارة بإحكام…هاتى طاسة وحطى زبدة.وزيت تسخن حطى العرق يتشوح.ومعاهم بصل متقطع وجزر وكرفس متقطعين..يتشوح الخليط ضيفى مية صغيرين وصويا صوص ومعلقة الخل اول مايغلى إنقلى اللحمة والصوص فى صنية تدخل الفرن وغطيها ودخليها الفرن حتى تستوى..إستوت خلاص طلعى العرق وإنقليه فى طبق وسيبيه يبرد الخيط هيبقى واسع لوحده…الصوص إما تحبيه كده او تضيفى عليه حوالى نص كوباية لبن ومعلقة نشا متدوب فيها صبيهم على الصوص وخليه يغلى الطعم هيبقى احلى…قطعى اللحمة شرايح وحطى الصوص فى بولة صغيرة للتقديم …اه نسيت فى ناس الجزر بتحطه مع التوم بتغرزه معاها مجربتوش اللى حابب يعملها….اتمنى تعجبكم جربوها…. مواضيع هذا القسم برعاية
ام جنى ومعاذ ام جنى ومعاذ 945531_3.gif فتكات حبوبة Fatakat 945531 اسكندرانيه وافتخر – مصر