السلام عليكم ورحمة الله وبركاته
ازيكم حبيباتى واخواتى فى الله
النهارده هقدملكم طبق خفيف علشان الواحد بجد معدته وجعته من الاكل المليان دسم والمحاشى والصوانى والذى منه
عملت طبق مكرونه باللحمه المفرومه وقطعت خيار وطماطم وحطيتها جانبه وقضيناها والحمدلله
ودى كانت صورتها
بصى يا ستى سلقت كيس مكرونه قلم وصفيتها وسيبتها لما اجهز اللحمه جبت ربع كيلو لحمه قطعت بصلتين مكعبات صغيرة وحمرتها فى ملعقتين زيت ونزلت عليها باللحمه قلبتهم
سيبت اللحمه لما المايه اللى نزلت منها تنشف وبعدين عصرت 5طمطمات ونزلتهم عليها وسيبتها تتسبك
ولما اتسبكت ضيفت ملح وفلفل اسود وبهارات وبعدين نزلت بالمكرونه وقلبتهم كويس وبس خلالالالالالالاص
ودى كانت الصورة الاخيرة قبل الغرف
بجد اكله خفيفه ولذيذه بنفس الوقت
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده