السلام عليكم
طبقنا النهارده الكسكس باللحمه من مطبخي تعالو يا بنات خشو برجليكم اليمين و متنسوش التقييم
المقادير :
خضر زي ما تحبي بس احنا بنعمل دول و في الي بيضيف من عنده
نص كيلو جزر ، نص كيلو كوسه،نص كيلو ملفوف، لفت، طمطمايتين ،بصلايه ،حمص،
كيلو الا ربع لحمه، تقدري ضيفي قرع عسلي انا مبحبوش معملتوش، ربطه قزبره وبقدونس،
نص كيلو كسكسي بيتباع في المحلات جاهز، نص كاس زيت زتون او الي تحبي،
بهارات :ملح فلفل اسود، ملون ، زنجبيل، كركم، و لترين ميه ،سمن بلدي
الطريقه :
نشوح اللحمه مع البصل شرائح و البهارات و القزبره والبقدونس والزيت
نضيف الميه و نقفل عليها نص ساعه كده عشان اللحمه دي عايزه تطبخ كويس
بعد النص ساعه نضيف الخضر الي بتحتاج وقت اطول في الطبيخ زي
الجزر و الملفوف واللفت والحمص و نضيف فوقيهم الطماطم و نضيف عليم شويه ملح و فلفل
ناخد الكسكس و نبلو بميه و نفتفتو بادينا ،بعدين نحطو في حله الكسكسي
و نحط حله الكسكسي و نقفل عشان يطبخ على البخآآآار
الصوره بتوضح
بعد 20 دقيقه كده نشيل الكسكس و نقفل الحله ، ونسيب الخضر و اللحمه تكمل طهيها،
دلوقتي نشتغل الكسكس بايدينا بشويه زيت زتون ملعقتين كده عشان ميلزقش في بعضه و نرشو بميه و ملح و نفتفته بين ايدينا
قبل ما نحطو فوق الحله نضيف الكوسه و نقفل تاني
ونسيب الكسكسي 20 دقيق تاني ،بعدين نشيله من الحله ، و نسيب الحله فوق النار كمان ربع ساعه
اما الكسكسي فنفتفتو بين ايدينا و نضيف عليه ملعقتين سمنه و بكده يكون جاهز
بعد الربع ساعه نبص عل الحله ان كانت اللحمه و الخضر نضجو
ناخد الكسكس في طبق و نحط اللحمه في الوسط و الخضر في الجناب و نقدمه بالف صحه و هنا
ملاحظات:
الكسكس بيتاكل في طبق كبير و كل العيله بتتجمع عليه ، و بما اني لوحدي حطيتو في طبق
صغير، تاني حاجه اللحمه و الخضر تعملو الكميات الي تعجبكم و عل حسب افراد الاسره
و الكميه الي انا استعملتها ل 4 اشخاص،
مده طهي اللحمه ساعه و نص و الخضر ساعه ، و الكسكسي 20 دقيقه مره اولى و 20 مره تانيه
و عل حسب نوع الكسكس و نوع الحله
للي معندهمش حله الكسكسي تقدر تعمل الكسكس بالطريقه الي ورا العلبه
و هي تضيف كاسين ميه مغليه بملح و شويه زيت عل الكسكس و تحرككو كويس
و تسيبو ينشف و تحطو في المكروويف 5 دقايق كده
مواضيع هذا القسم برعاية
جهآآد جهآآد 144466_5.gif سوبر فتكات Fatakat 144466 toulouse – la france