السلام عليكم ورحمة الله وبركاته
اخواتى حبيباتى اتمنى تكونوا بخير دائما
النهارده طبقت فطيرة السجق اللى عملتها الشيف البرنسيس
(فريدة فى كل شئ) وبشكرها اوووووى والله لأنها علمتنى اعمل حاجه جميله يحبها اولادى وزوجى
يلا نبدأ بسم الله
المقادير(2ونصف كوب دقيق-ربع كوب زيت-ملعقة كبيرة خميره فوريه-نصف ملعقه بيكينج بودر-3ملاعق لبن بودر-
2ملعقه سكر-ملعقه صغيرة ملح-ماء دافئ للعجن
الطرييييييييييييقه
هنخلط كل المكونات السابقه ونعجنها كويس ونغطيها ونتركها بمكان دافئ لكى تختمر واثناء وقت تخمير العجينه هنعمل الحشو اللى انا بدلته من سجق علشان مكنش عندى بحاجه كده تقدروا تقولوا شاورما
اصل كان عندى بواقى فراخ روحت مقطعاها وشوحت بصلايه وطمطمايه وفلفلايه وقلبتهم مع بعض وحطيت عليهم بهارات وملح زى كده
ودى بقى صورة العجينه لما اختمرت وبقت تمام
نبدأ بقى الشغل انا قطعت العجينه نصفين عملتلى فطيرتين
نرش الرخامه دقيق ونفردها زى المستطيل ونقطع اللأطراف بالسكينه زى كده
هندهنها بقى بمسطرده وكاتشاب وبعدين نحط الحشو فى النصف وعليه شرائح جبن شيدر كده
ونبدأ بقى نقفلها على بعضها كده
وبعدين ندهنا بالبيض ونرش عليها حبة البركه
ويكون الفرن ساخن قبلها بربع ساعه على درجه عاليه وبعدين نهدى النار وندخلها الفرن الى ان تستوى وتحمر زى كده
ويلا بقى على رأى فريده ناكل كلنا همممممممممم
وده ابنى اللى واقف مستنى ومش عاوزنى اصور وعاوز اكل يا ماما عاوز اكل ياماما
اللى طلباه منكم دعوة حلوة كده ان ربنا يهديلى اولادى
ويحمى مصرنا الحبيبه من كل شر
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده