الوصفة دي انا هعملها في طاجن فخار مغربي مية بالمية وهسويه على مجمر فحم مش ع البوتغاز
والفحم بيطلب طول البال عشان ثقيل شوية في السواء لكن بيكون الذ ما يكون وممكن نقول عليه بيو يعني مفيش كيماويات ولا غاز ولا المنيوم ولا تيفال ولا استنلس
دي صورة تشويقية
نشوف المقادير
حوالي نص كيلو لحمة غنم او بقري او عنزي
انا عملت الغنمي عشان ثاني يوم عيد
2 بصلة جوانح
شوية كزبرة ومعدنوس مفرومين
شوية زبيب منقوع في مية
حبات برقوق (قراصيا)
بيض مسلوق
والتوابل
كركم وفلفل اسود وزنجبيل وملح ومروزية
المروزية او راس الحانوت هي خلطة من توابل اللحم
اربع معالق كبار زيت زيتون
ده الطاجن
نمسحه مسحة خفيفة من الزيت عشان لحم الغنم مليان دهون
ونحط فيه قطع اللحم على حسب عدد الافراد
بالشكل ده ونحطه فوق المجمر
اللحمة بعد ما اتستفت نضيف لها التوابل
ونغطي الطاجن بتاعنا
هنا طلعت المجمر برة في بلكونة المطبخ عشان ريحة الفحم
ونسيبه شوية لغاية ما يسخن وبعدين نقلب اللحم على الجهة الثانية لكن مش لازم اللحم يتشوح قوي عشان تبقى رطبة وطرية وتذوب زي الزبدة
يعني يدوب تسخن شوية نقلبها على الجهة الثانية ونضيف البصل والبقدونس والكزبرة والزيتون بس انا نسيت اصوره مع المقادير
ونغطيه ونسيبه لغاية ما اللحم والبصل يقربو يستوو نزيد عليهم الزبيب نختبر سوا اللحم بالسكين لو الطاجن محتاج مية نزود له شوية مش كثير بس لازم تكون مغلية مش باردة
القراصيا نسلقها في مية مع السكر حوالي 15 دقيقة
لازم نراقب الفحم لو اتحرق نزود فحم ثاني في المجمر لغاية ما الطاجن يستوي والعملية دي ممكن تاخذ اكثر من ساعتين حسب اللحم ولو مستعجلة ممكن تعمليه على البوتاغاز على نار هادية لكن المذاق يختلف طبعا
قبل ما ننزله من على النار ب 5 دقايق نزود عليه منفوق زيت الزيتون
في الاخير نزينه بالبرقوق والبيض المسلوق ويتاكل بالخبز
بالهنا والشفا
وده شكله
اتمنى ان الوصفة تعجبكم
مواضيع هذا القسم برعاية
توف اتري توف اتري 1097774_6.gif فتكات ست الكل Fatakat 1097774 في بيتي – في الدنيا