السلام عليكم ورحمة الله وبركاته
ازيكم يا فتوكات يا قمرات النهارده انا جيبالكم اكل جميل وبيفتح النفس وتجديد وهنبدأ ان
شاء الله على طول من غير رغى كتير
اولا طاجن المسقعه بالبشاميل …..
نقشر البنتجان ونقطعه ونحطه فى ميا وملح نص ساعه مثلا الكميه دى كيلو بتنجان ودا شكله
وبعدين نحمره فى زيت بس مش اوى يعنى يدوب يطرا ونديله اللون الذهبى ونطلعه على مناديل
يتشرب الزيت ودا شكله
وبعدين نعصج اللحمه ::: فص توم مع بصل متقطع او مبشور حسب الرغبه ونشوحهم كويس لحد ما يدبلو
ونحط اللحمه المفرومه وفلفل اسمر وبهارات ونقلبهم كويس ومنحطش الملح الا فى االاخر
ودا شكل العصاج
ونعمل البشاميل ::: 3 ملاعق سمنه او زيت و3 ملاعق دقيق ونقلبهم مع بعض بالمضرب اليدوى
كويس لحد ما يتجانسوا ويبى لونهم اصفر وننزل باللبن واحده واحده او الشوربه دى حسب الرغبه برده
ونحط مكعب مرقه ونقلب بالمضرب اليدوى كويس ونحط مكعب جبنه نستو كمان ونقلب كويس
ونظبط الملح ونحط فلفل اسمر انا بحب البشاميل تقيل كريمى كده
وبعمل صلصه كمان بالتوم والبصل للمسقعه …بجيب توم مدقوق واشوحه مع بصله صغيره فى زيت زيتون
او قطعة سمن وبعدين لما لونهم يصفر احط الصلصه واحط الملح والفلفل واسيبهم شويه
على النار ياخدوا قوام متماسك شويه بس مش تقيل اوى
وبعدين نجيب الطاجن ونحط نصف كمية البتنجان كده وعليهم طبقة بشاميل ونقلب براحه عشان البتنجان
مش يتهرى ودا شكله
وبعدين نحط اللحمه المعصجه كده
ونرص باقى البتنجان كده واقطع عليه واحد طماطم طرنشات كده
واحط الصلصه اللى عملتها كده متخافوش هتنزل تحت وتسيب وش بسيط ودا شكلها
واحط باقى البشاميل واساويه كده
وعلى الفرن من تحت مش اقل من ربع ساعه حسب الفرن واحمر الوش تحت الشوايه
ودا الشكل النهائى
وكده وهى فى الطبق حاجه جميله والريحه يا سلااام
ثانيا ::كفتة الارز مع البطاطس فى الدمعه …انا كان عندى كيس صغير جدا كفته بالارز
فى الفريزر طلعته وقطعت 2 بطاطس وعملتلهم صلصه
جيبت فصين توم وبصله صغيره وشوحتهم وحطيت معاهم مرقه ودا شكلهم
وبعدين لما لونهم بقى اصفر حطيت الصلصه كده ومعاهم البطاطس
تستوى شويه لواحدها الاول قبل ما احط الكفته
وبعدين احط الكفته تستوى معاهم شويه واحط الفلفل والملح ودا شكلها النهائى
والاطباق دى ممكن تقدم مع الارز بالشعريه بتبقى حلوه جدا ودا الشكل النهائى
فى رعاية الله مواضيع هذا القسم برعاية
mero_sh mero_sh 326490_4.gif فتكات غالية قوي Fatakat 326490 الدقهليه – القاهره