فتوكاتى هاغديكوا النهارده حاجه خفيفة كده وعلى الماشى
طاجن لسان العصفور باللحمة المفرومة الجامد من مطبخىشوفوا بقى قبل كده كنت بعملة بكبدة الفراخ بس قولت اغير النهارده عملته باللحمة المفرومة ومعاه عملت رول الدجاج البانية الجامد بطريقة صديقتى عضوتنا الجميلة روها1 والصراحة طلع جااااامد جدا
وده اللينك بتاعه للى عايز يشوفه
https://fatakat.univanet.com/#3910106بس انا حطيت الرول كمان تحت الشواية دقيقتين فى الاخر علشان يطلع احمر كده
ندخل بقى على لسان العصفور
الاول هنجهز اللحمة المفرومة هنجيب ربع كيلو لحمة مفرومة وهنفرم بصل كتيير ( بصلاية كبيرة او اتنيين صغيرين) وهنفرم طمطماية صغيرة
وبعدين على النار هنحط شوية زيت ذرة صغيرين او حتة سمنة صغيرة خالص علشان اللحمة اصلا بتنزل دهون كتير وهنشوح البصلة المفرومة لحد متصفر وبعدين هنحط اللحمة ونقلب عليها الطماطم وهنحط الملح والفلفل الاسود وباقى التوابل ( كمون ناعم و كسبرة وبهارات لحمة ورشة قرفة وجنزبيل وفلفل ابيض وقرنفل حاجه بسيطة وكركم وتوم بودرة وشوية صويا صغيرين ) وشوية ميه ونغطيها لحد متستوى
وبعدين هنعاير تلت الطاجن بس لسان عصفور لان حجمه هيزيد بعد كده
وشوية زيت ذر ة ونشوح فيهم لسان اعصفور على النار لحد ميحمر شوية يدوب ياخد لون
هنحط اللحمة المفرومة على لسان العصفور ونقلبه ونولع الفرن
هنحط لسان العصفور فى الطاجن ونساوى الوش بمعلقة ونحط حتة مستكة صغيرة خالص و2 حبهان وورقة لورا وحتة فلفل رومى على الوش
وبعدين 2 كوباية مية هندوب فيهم 2 معلقة كبيرة صلصة طماطم وشوية ملح وفلفل اسود ولو تحبو من غير الصلصة مفيش مشكلة لان فى طماطم مع اللحمة المفرومة وبالراحة خالص هنمسك الكبشة ونحط الشوربة من على الحرف لحد متغطى لسان العصفور ونغطى بالفويل ونحطة فى الفرن على الرف اللى بالوسط الاول على نار عاليه وبعد عشر دقايق نخليها على الهادى ونزودها بالمية اللى بالصلصة كل شوية زى مبنسوى الرز العادى
هنختبر السوا بتاعه عادى خالص بالشوكة ناخد حبيتن لسان عصفور ونشوفه استووا ولالا …..
ودى النتيجة وجبتلكوا الاكل كله …يالا ان شالله محد حوش
وبالهنا والشفا يااااارب يعجبكوا بقى مواضيع هذا القسم برعاية
moramady moramady 840614_1.gif فتكات رائعة Fatakat 840614 المدينة المنورة – المملكة العربية السعودية