انا بصراحه واخده الوصفه دى من فتوكه هنا الله يباركلها وجربتها وطلعت تجنن
بس انا عملتها بالكبده بقى
اول حاجه حطيت معلقتين زبده ومعلقه زيت وحطيت عليهم كوبايتين لسان عصفور كدا
بعدين قلبتهم لحد ما خدت اللون الدهبى المتحمص دا
بعدين سبتهم على جمب وجبت حله تانيه وحطيت فيها معلقتين سمنه ونزلت عليهم بلبصل وشوحتهم بعدين التوم
بعدين الفلفل الوان وشوحتهم كلهم فى بعض كويس وبعدين نزلت بالكبده
لحد ما لونها بدأ يتغير وحطيت كوباية ونص ميه
وسبتها تغلى خمس دقايق كدا
وبعدين حطيت الطماطم والبهارات والملح والفلفل وورق اللورو ومعلقتين صلصه عشان اللون
وسبتها تاخد غلوتين ونزلت عليها باللسان عصفور المتحمص
ونسيبهم كلهم يغلو خمس دقايق بلظبط
بعدين حطيتهم فى البرام كدا
شايفين يدوب الصلصه مغطيه وش اللسان عصفور والكبده
بعدين دخلتهم الفرن يعيشو حياتهم بقى
وسبتها تلت ساعه تشرب الصلصه
وطلعتها ودا كان منظرها
كباب الحله بقى
قطعت اللحمه مكعبات والبصل جوانح كدا
بعدين حطيت السمنه وشوحت اللحمه فيها بشوية فلفل اسمر كدا
بعدين نزلت بالبصل والتوم وعلى فكره التوم زى ما هو مدقتهوش
بعدين شحوتهم لحد ما البصل دبل و اللحمه لونها اتغير وغطتهم بالميه والبهارات وورق اللورو
وسبتها تاخد غلوتين بعدين هديت عليها وغطيتها وسبتها
لحد مستوت وحطيت الملح وبقى شكلها كدا
ودا شكلها النهائى
سامحونى يابنات لو الصور مش واضحه اوى لان موبيلى صورته وحشه
مواضيع هذا القسم برعاية
حبيييييييبة حبيييييييبة 665495_4.gif ممنوعة من المشاركة Fatakat 665495 القاهره – مصر