السلام عليكم
ازيكم يا فتوكات
طبعا انا لما بعمل اكله حلوة لازم اقولها لاخواتى علشان
تدقوها زى اصلى مش بيهون عليا اكل من غيركم
انا عملت انهارده 2 طاجن واحد بالارز والتانى بالفريك
الطريقه واحده
بس ده برز وده بالفريك
تعالوا اقلكم ازلى
بس معلش مفيش صور علشان انا مش بعرف ارفع صور على الموقع
المقادير
1كوب ارز او فريك لو عاوزة تعمليه بالفريك
بصله كبيرة
5 قطع لحمه قطعيها مكعبات صغيرة زى كباب الحله
طاجن فخار وسط بيدى الطعم نكهه راااااااااااائعه بس ابقى احرقى الطاجن الاول
ولو معندكيش طاجن يبقى حله بيركس او صنيه
معلقه ملح
مكعب ماجى
فلفل اسود
نصف معلقه كارى
ربع معلقه جوزة الطيب
معلقة سمنه كبيرة ومعاهم سوية زيت صغيرين خالص
طريقة التحضير
اولا تقطعى البصله صغير وتحطيها مع السمن والزيت واول ما البصله تصفر
تحطى اللحمه ونقلبى وتحطى 4 كوبيات ميه
واول ما تدخل السوى تحطى الملح ومكعب الماجى والفلفل والكارى وجوزة الطيب
وتسبيها شويه
لغيت ما تحسى انها بقت قيها بتاع كوب شوربه كده
خدى اللحمه والبصل وحطيهم فى حله تانيه وشوحيهم شويه وحطى عليهم الارز او الفريك
(الفريك يكون منقوع قبلها 5 ساعات)
لكن الارز ااغسليه وحطيه عادى
وقلبى كله مع بعضه
وبعدين تحطى الشوريه اللى بالبصل اللى اخدى منها اللحمه
وتسبيهم يخدوا غلوه على النار
وتكونى مولعه الفرن على الاخر
وبعد ما يغلى يغلى بس ما تستنيش لما يتشرب
حطيه فى الطاجن ودخليه الفرن 20 دقيقة
وبالهناء والشهاء
مواضيع هذا القسم برعاية
قطى اسمه ماريو قطى اسمه ماريو 408702_4.gif فتكات هايلة Fatakat 408702 القاهره – مصر